YUNUS 1:10 - KITTA' MATANGKASA'

¹⁰ Nampa nacarita antekamma batena appattujuang lari battu ri Batara. Nalangngere'na anjo kammaya, pila' malla'mi pole anjo sikamma ana'-ana' kappalaka, siagang nakana ke'nanga ri ia, “Ta'liwaki anjo panggaukannu!”

YUNUS 1:10 Iomraidhean Croise

PA'JARIANG 3:13

Akkuta'nammi Karaeng Allata'ala ri anjo bainea angkana, “Angngapa nugaukangi anjo kammaya?” Appialimi angkana, “Nitipua' ri ularaka, sa'genna kukanre anjo rappoa.”

2 SAMUEL 24:3

Mingka nakanamo Yoab ri karaenga, “Dasi-dasi nanipa'lappi-lappi jaina ra'ya' Israel ri Karaeng Allata'alata, sa'genna a'lappi sibilangngang jaina ri kamma-kammaya anne, kammayatompa dasi-dasi kittallasa' tongija anciniki ke'nanga. Mingka untu' apa nakiero' ansuro bilangi taua karaeng?”

AYUB 27:22

Nilissara'mi tanikamaseangnga, na tarpassa lari a'boya pa'la'langngang.

YUNUS 1:11

Lalang kammana anjo pila' lompomi bombanga, nampa akkuta'nammo sikamma ana' kappalaka ri ia angkana, “Apa musti nagaukang ikambe mae ri kau sollanna ammari anne anging lompoa?”

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

YOHANES 19:8

Nalangngere'na Pilatus akkana kamma ke'nanga, pila' a'jari malla'mi pole.

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.