YUDAS 1:8 - KITTA' MATANGKASA'

⁸ Kammatommi anjo tau a'rupa-rupa dudua nanawa-nawa, sa'genna a'gau' dosamo ri batangkalenna tonji ke'nanga. Nacini' rawai kakoasanNa Allata'ala siagang nahinai sikamma apa-apa attallasaka siagang mala'birika ri suruga.

YUDAS 1:8 Iomraidhean Croise

PA'JARIANG 3:5

Nakkana kamma anjo Allata'ala lanri Naassenna angkanaya punna nukanre anjo rappo kayua, latassungkei akkala'nu; la'jariko sangkamma Allata'ala siagang lanuassengi apa kodia siagang bajika.”

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

PANGNGEBARANG 30:11

Nia' tau assumpai manggena siagang tena napakalompoi amma'na.

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

KATO'BA 10:20

Teako callai karaenga, manna pole lalang pa'mai'. Teako pakkanai tu kalumanynyanga, manna ri katinroang kalennu. Akkullei nalangngere' jangang-jangang apa nupaua, nampa napabattu mae ri anjo tau natujua.

PAMMILANGNGANG 16:3

A'lampa ngasemmi siagang ke'nanga mange andallekang ri Musa siagang Harun nampa angkana, “Angganna'mi anjo sikammaya Musa! Sikontu umma' Israel nisa'laki untu' Batara. Nampa niaki Batara ri tangnga-tangngata ngaseng. Mingka angngapa nanukana kalennu la'bi tinggiangangko na umma'Na Batara?”

LUKAS 11:25

Ri wattunna battu mange ri anjo ballaka, narapikammi sanna' tangkasa'na siagang sanna' baji'na atoro'na bonena anjo ballaka.

LUKAS 12:11

Punna nierangko mange ri balla' sambayanga laniadeli ri dallekanna pamarentaya yareka tau anna'galaka koasa, teako mallakki. Teako mallakki angkanaya antekamma batenu la'bicara sollanna a'butti angkanaya tena nusala.

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LAMPA-LAMPANA 23:5

Mingka appialimi Paulus nakana, “O, takuassengai sari'battang angkanaya imang lompoi padeng anjo taua. Nia' memang tattulisi' lalang ri Kittaka angkana, ‘Teako hinai pamimpinna bansanu.’ ”

LAMPA-LAMPANA 7:27

Mingka nisorongammi Musa mae ri biring, ri anjo tau amba'jiai aganna, nampa nakana, ‘Inai angngangkakko a'jari pamimping siagang a'jari haking mae ri kambe?

LAMPA-LAMPANA 7:39

Mingka manna nakamma, taerokai boe-boeta anturuki kananna. Nisorongbokoi ri ke'nanga, siagang erokangangi ke'nanga ammotereka mange ri butta Mesir.

1 KORINTUS 3:17

Punna nia' tau ampanraki balla'Na Allata'ala, anjo taua lanipanraki tommi ri Allata'ala. Nasaba' anjo balla'Na Allata'ala matangkasaki, naia nikanaya balla'Na Allata'ala iamintu ikau.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.