YUDAS 1:12 - KITTA' MATANGKASA'

¹² Ri wattunnu assua'-suara' angnganre, ia ngasemmi anjo tau kammaya anra'massiko. Nasaba' tena siri'na ke'nanga angnganre siagang sanna' angngoana; kaparalluang kalennaji bawang najampangi ke'nanga. Sanrapangi ke'nanga rammang nairika anging mingka tena nappaturung bosi. Sanrapang tongi ke'nanga poko' kayu tenaya na'rappo manna pole nawattu pa'rappoammo; sanrapangi poko' kayu le'bakamo nibi'bu' siagang mate taba sikalimi.

YUDAS 1:12 Iomraidhean Croise

2 PATTOTTORANG 7:20

laKupasulukko battu ri pa'rasangang le'baka Kupassareang mae ri kau. LaKubokoi tongi anne ballaka, le'baka Kupattantu a'jari balla' panynyombang mae ri KalengKu. Kemae-kemaei anne ballaka lanipakatuna siagang lanikakkali ri taua.

AYUB 8:17

Aka'na nakaluki batu-batu ri buttaya; akkalu' jarreki, tagampangai ta'lagasa'.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 37:2

Saba' tasalloa nalanynya' ke'nanga sanrapang ruku', nakalumeng sanrapang lamung-lamung moncongbuloa.

PANGNGEBARANG 25:14

Janji-janji tanirupaia, sanrapangi rammang siagang anging tamappaturunga bosi.

YEHEZKIEL 17:9

Jari, iNakke, Batara Kaminang Tinggia akkuta'nang: Maka akkullei anjo poko' anggoroka attallasa' siagang a'bakka'? Maka tena nalanibi'bu' siagang aka'-aka'na ri anjo jangang-jangang rajawali uru-urua, nampa napasinta' rapponna, natepo' tangke-tangkenna siagang naboli' kalumeng? Tena naparallu jai ambukui yareka bansa pore untu' ambi'buki anjo poko' anggoroka sa'genna aka'-aka'na.

YEHEZKIEL 34:10

Nakke, Batara Kaminang Tinggia akkana ri kau angkanaya iNakke anne musunnu. Anjo sikamma gimbalakKu laKuallei ammotere' battu ri kau siagang tenamo naKupappirannuangi mae ri kau; tenamo naKukellaiko annawa-nawai kaparalluang kalennu bawang. Sikamma gimbalakKu laKupasalamaki battu ri kau, sa'genna tenamo nala'jari kanrenu.’ ”

YEHEZKIEL 34:18

Battu ri kau nia' tena nasangga nasa'ring pa'mai'na punna poro ruku' kaminang bajika nacappu', mingka naonjo'-onjokang tompi ruku' tenaya nakanrei ke'nanga! Angnginungi ke'nanga je'ne' ci'nong nampa napuccakki je'ne' tenaya nainungi ke'nanga!

YEHEZKIEL 34:2

“He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

YEHEZKIEL 34:8

Lanri iNakke, Allata'ala mattallasaka, parhatikangi! Nikokkoki siagang nikanrei sikamma gimbalakku ri olo'-olo' sekkeka, lanri tena angkalawaki ke'nanga. Ikau sikamma pakalawakingKu tena nanujampangi anjo sikamma gimbalaka. Poro kaparalluang kalennu bawang nunawa-nawa, teai kaparalluanna sikamma gimbala'nu.

HOSEA 6:4

Mingka Nakana Batara, “He tu Israel siagang tu Yehuda! Apa musti Kugaukang mae ri kau ngaseng? Pangngainnu mae ri Nakke poro sinampe'ji natenamo, rapang saliuka ri wattu bari'basa'.

KAIMANGNGANG 14:43

Punna ammumba poleang anjo jappoka, nampa le'ba'mo nisambei batu-batuna anjo ballaka siagang le'ba' tommi nikekkese' tembo'-tembo'na nampa nipalestere' beru ammotere',

MATIUS 13:6

Mingka ri wattu nai'namo alloa, appakaramulami kalumeng anjo bine beru accu'laka; nampa kalotoro', sa'genna mate, nasaba' tenana nalantang antama' ri buttaya aka'na.

MATIUS 15:13

Appialimi Isa angkana, “Sikamma lamung-lamung tenaya Nalamungi Manggeku ri suruga lanibi'buki.

MARKUS 4:6

mingka wattunna nai'mo alloa pakkaramulami kalumeng, sa'genna kalotoro' nampa mate, lanri tena nabella antama' aka'na ri buttaya.

LUKAS 12:45

Mingka punna nakana lalang ri pa'mai'na anjo palayanga, ‘Salloinji nampa ammotere' karaengku,’ nampa appakkaramulamo naba'ji ngaseng palayanga siagang angnganre-nganremi nangnginunga tojeng sa'genna nasa'ring.

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

LUKAS 8:6

Nia' todong takkioro' ri butta jaia batu-batunna. Mingka ri wattunna accu'la', linta'mi kalumeng, lanri kalotoroki buttana.

EFESUS 4:14

Jari, tena nisanrapang ana'-ana', akkullea nierang anrai'-kalau' ri pangngajaranna tau la'bua akkala' salana. Natipui siagang naakkala' salai taua, nanaerang mae ri oloang salaya.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

1 TIMOTIUS 5:6

Mingka ia janda nangaia assannang-sannang lalang ri katallassanna, sikontutojenna matemi manna pole nattallasa' ija nicini'.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

YAKOBUS 5:5

Alla'bi-la'bi mako ri katallassannu, siagang nukasia'mi kasannanganga ri anne linoa. Sanrapangko tau nupakaco'moka kalennu untu' lanisamballe sallang ri allo labattua.