YOSUA 9:9 - KITTA' MATANGKASA'

⁹ Appialimi ke'nanga angkana, “Battu ri pa'rasangang bella dudui ikambe karaeng, lanri nalangngere'namo ikambe ri passala'na Karaeng Allata'ala kisombaya. Nalangngere'mi ikambe sikontu apa Nagaukanga ri Mesir,

YOSUA 9:9 Iomraidhean Croise

1 KARAENG-KARAENG 8:41

Punna nia' tu maraeng ri pa'rasangang bellaya allangngereki kalompoanTa siagang gau'-gau' appakalannasa', ia le'baka Kigaukang untu' ummatTa, nampa battu mae anrinni ri balla' passambayanganga anne untu' ampakala'birikKi' siagang appala' doang ri Katte,

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

PAMMUJI 148:13

Bajiki mammuji ngaseng ke'nanga ri arenNa Batara, saba' arenNa la'bi lompoangngangi na sikontu arenga; kalompoanNa la'biangngangi na langika siagang linoa.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAMMUJI 78:12

Ri dallekanna boe-boena ke'nanga, a'gau' appakalannasaki Allata'ala ri pa'rasangang Mesir, ri lappara' Zoan.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

KALAPPASSANG 15:14

Sikamma bansa mallangngereka annekkere'mi; gegere'mi tu Filistin siagang sikamma pamimpinna Edom.

KALAPPASSANG 9:16

Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

YESAYA 55:5

Lanukioki bansa-bansa maraenga, na battu linta' ke'nanga mae ri kau, lanri iNakke, Karaeng Allata'alanu, Allata'ala matangkasa'na Israel, lanri le'ba' mako Kupakalompo.”

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

PAMMILANGNGANG 14:15

Punna Kibuno ngaseng sikontu ummatTa anne, anjo bansa-bansa le'baka allangngereki anjo areng masahorotTa lanapaumi angkanaya

PAMMILANGNGANG 20:14

Nampa akkirimmo Musa siapa are tunisuro battu ri Kades untu' mange andallekang ri karaeng Edom. Angkanami ke'nanga, “Ikambe anne tubattuki' ri suku-suku Israel niaka ija passisambungang bijanna siagang ikatte karaeng. Kiassenji kapang kasusaang antujuai ikambe karaeng.

LAMPA-LAMPANA 8:7

Nasaba' assulu'mi roh ja'dalaka ammarrang kodi battu ri tau jai nasosoka setang, lanri nabongkai Filipus assulu'. Jai tommi tau peso' siagang tau tempang niballei na'jari baji'.

PAOLE 20:11

Punna nasungkei sikamma pakke'bu' lompona ke'nanga nampa manyara, anjo ke'nanga musti a'jari atannu ngasengi siagang nusuroi anggaukangi jama-jamang passaya.

PAOLE 20:15

Kammaminjo musti nugaukang mae ri kota-kota bellaya battu ri pa'rasangang nupammantangngia.

YOSUA 9:10

siagang apa Nagaukanga mae ri anjo ruaya karaeng Amori irayanganna Yordan, iamintu Karaeng Sihon ri Hesybon siagang Karaeng Og ri Basan ammantanga ri Asytarot.

YOSUA 9:16

Mingka nampami a'nassa, iamintu ri makatalluna allo ri baku' le'ba'na nipare' anjo parjanjianga, battumi tu Israel mange ri kota-kota Gibeon, Kefira, Beerot siagang Kiryat-Yearim ri daerana anjo tau naaganga le'ba' appare' parjanjiang. Nampami kaassengang angkanaya tenaja nabella pammantanganna ke'nanga battu ri Gilgal.

YOSUA 9:24

Appialimi ke'nanga angkana, “Nappakamma anjo ikambe lanri nalangngere'namo ikambe angkanaya anjo Karaeng Allata'ala kisombaya le'ba'mi Nasuro Musa, anjo atanNa, ampassareangi mae ri katte sikontu anne pa'rasanganga siagang ambunoi sikontu pandudu'na ri wattunna kialle anjo buttaya. Malla' dudumi ikambe angkana gassingka kibunoi ikambe; iaminjo saba'na nanagaukang ikambe sikammaya anne.