YOSUA 9:4 - KITTA' MATANGKASA'

⁴ Jari narancanakammi ke'nanga ero' ampa'dongo'-dongoki Yosua, kamma anne batena: napitekeki keledaina ke'nanga karung-karung toa siagang pammoneang-pammoneang anggoro' kodia ngasemmo, iamintu kukkuluka nipare'. Na salaku bokonna ke'nanga appasadiami

YOSUA 9:4 Iomraidhean Croise

PA'JARIANG 34:13

Lanri le'ba'namo nagau' sala Dina, andi'na ke'nanga, a'balle-ballemi sikamma ana'na Yakub mae ri Sikhem siagang Hemor, manggena.

PAMMUJI 119:83

Akkapurru'mi bukkulengku sanrapang pammoneang anggoro' toa, mingka tena nakukaluppai katantuanTa.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 9:17

Kammayatompa, tenanniakka tau ammoli' anggoro' beru ri pammantangang lajappokamo. Nasaba' tena tareppe'na anjo pammantanganna, sa'genna tappela'-pela'mo anjo anggoroka. Jari anjo anggoroka musti anjorengi ri pammantangang berua todong niboli', sollanna tuli baji' anjo anggoroka siagang pammoneanna.”

MARKUS 2:22

Kammayatompa pole, punna nia' tau ammoli' anggoro' beru, tena nanjoreng ri pammoneang toaya na pammoliki. Nasaba' lareppeki anjo pammoneang toaya napakamma anjo anggoro' berua. Kale'bakkanna lanipela' rua-ruami. Jari anjo anggoro' berua, parallui niboli' ri pammoneang berua todong!”

LUKAS 16:8

Jari nipujimi ri karaenna anjo pagawe ammolika doe' tenaya nalambusu' ri jama-jamanna, lanri cara'de'na a'boya akkala'. Nasaba' cara'dekangangi tau ammantanga lalang lino angngurusuki urusanna kala tau ammantanga lalang ri singaraka.”

YOSUA 9:12

Kicinikimi karaeng, anne roti nabokonga ikambe. Ri wattunna a'lampa ikambe, anne rotia bambangiji. Mingka kamma-kamma anne, kicinikimi! Kalotoro'mi siagang ka'di-ka'diammi.

YOSUA 9:13

Nampa anne sikamma pammoneang anggoro'na ikambe beru iji ri wattunna nabonei ikambe; mingka kamma-kamma anne, kicini'mi! Kekke'-kekke' ngasemmi. Pakeanna siagang sapatuna ikambe panra' ngasemmi napakamma pa'jappang bella.”

YOSUA 9:3

Mingka anjo tu Gibeon battua ri bansa Hewi le'ba'mi nalangngere' apa le'baka nagaukang Yosua mae ri kota Yerikho siagang Ai.

YOSUA 9:5

iamintu roti kalotoro' siagang ka'di-ka'diangamo. Ammakeang kekke'-kekke'mi ke'nanga siagang sapatu toa le'bakamo nitampeng-tampeng.