YOSUA 9:21 - KITTA' MATANGKASA'

²¹ Jari lappassammi ke'nanga attallasa', mingka nipa'jari anjo ke'nanga pabisa'-bisa' kayunta siagang papisang je'netta.” Kammaminjo napassuroanga anjo pamimping-pamimpinga.

YOSUA 9:21 Iomraidhean Croise

YEREMIA 46:22

Larimi Mesir akkassu rapang ulara', lanri pila' a'reppese'mi musua. A'bakkami ke'nanga ambunduki siagang pangkulu' rapang tau anna'banga poko' kayu

PAOLE 29:10

Anne alloa ammenteng ngasengko ri dallekanNa Karaeng Allata'alanu, iamintu sikontu pamimpinga siagang patugasaka, sikontu tu bura'nea,

PAOLE 29:11

tu bainea, ana'-anaka, siagang sikontu bansa maraeng niaka ammantang ri tangnga-tangnganu siagang ambantuako ammolong kayu siagang ammisang je'ne'.

YOSUA 10:1

Nalangngere' kabara'mi Adoni-Zedek, iamintu karaenga ri Yerusalem, angkanaya le'ba'mi nabeta siagang naancuru' taba sikali Yosua kota Ai, kammayatompa nabunoi karaenna sangkamma le'baka nagaukang mae ri Yerikho siagang karaenna. Nalangngere' tommi kabara'na angkanaya le'ba'mi tu Gibeon appare' parjanjiang passari'battangngang siagang tu Israel kammayatompa ammantammi ri tangnga-tangngana ke'nanga.

YOSUA 9:15

Appare'mi Yosua parjanjiang passari'battangang siagang anjo tu Gibeon, siagang a'janjimi angkanaya tena nalanabuno ke'nanga. Kammayatompa sikamma pamimpinna umma' Israel, assumpa tommi angkanaya lanarupai anjo parjanjianga.

YOSUA 9:20

Takkulleaki' ambunoi ke'nanga nasaba' le'ba' maki' a'janji; napunna tena nanirupai anjo janjia, lanihukkungki' ri Allata'ala.

YOSUA 9:23

Lanri kammana anjo panggaukannu, lanihukkungko ri Allata'ala. Latuli a'jari atai bansanu, a'jari pabisa' kayu siagang papisang je'ne' untu' Balla'Na Allata'alaku.”

YOSUA 9:27

Mingka napa'jari atami anjo ke'nanga, iamintu a'jari pabisa' kayu siagang papisang je'ne' mae ri tu Israel siagang untu' tampa' pakkoro'bangnganNa Batara. Sa'genna kamma-kamma anne tuli nagaukanna ke'nanga anjo jama-jamang kammaya ri tampa' le'baka Napile Batara a'jari tampa' ibada mae ri Ia.