YOSUA 9:13 - KITTA' MATANGKASA'

¹³ Nampa anne sikamma pammoneang anggoro'na ikambe beru iji ri wattunna nabonei ikambe; mingka kamma-kamma anne, kicini'mi! Kekke'-kekke' ngasemmi. Pakeanna siagang sapatuna ikambe panra' ngasemmi napakamma pa'jappang bella.”

YOSUA 9:13 Iomraidhean Croise

MATIUS 9:17

Kammayatompa, tenanniakka tau ammoli' anggoro' beru ri pammantangang lajappokamo. Nasaba' tena tareppe'na anjo pammantanganna, sa'genna tappela'-pela'mo anjo anggoroka. Jari anjo anggoroka musti anjorengi ri pammantangang berua todong niboli', sollanna tuli baji' anjo anggoroka siagang pammoneanna.”

MARKUS 2:22

Kammayatompa pole, punna nia' tau ammoli' anggoro' beru, tena nanjoreng ri pammoneang toaya na pammoliki. Nasaba' lareppeki anjo pammoneang toaya napakamma anjo anggoro' berua. Kale'bakkanna lanipela' rua-ruami. Jari anjo anggoro' berua, parallui niboli' ri pammoneang berua todong!”

LUKAS 5:37

Kammayatompa, tena tau ammoli' anggoro' beru lalang ri pammoneang toaya. Nasaba' lareppeki anjo pammoneang toaya napakamma anjo anggoro' berua. Jari latappelaki anjo anggoro' berua, napanra' todong anjo pammoneanga.

PAOLE 29:5

Patampulo taungi sallona Batara ampimpingko a'jappa ri parang lompoa, mingka tena na'jari toa pakeannu siagang sandala'nu.

YOSUA 9:12

Kicinikimi karaeng, anne roti nabokonga ikambe. Ri wattunna a'lampa ikambe, anne rotia bambangiji. Mingka kamma-kamma anne, kicinikimi! Kalotoro'mi siagang ka'di-ka'diammi.

YOSUA 9:14

Naallemi tu Israel sike'de' anjo kanrena tu Gibeon, siagang takkuta'nangngai ri Batara ri sesena anjo passalaka.

YOSUA 9:4

Jari narancanakammi ke'nanga ero' ampa'dongo'-dongoki Yosua, kamma anne batena: napitekeki keledaina ke'nanga karung-karung toa siagang pammoneang-pammoneang anggoro' kodia ngasemmo, iamintu kukkuluka nipare'. Na salaku bokonna ke'nanga appasadiami

YOSUA 9:5

iamintu roti kalotoro' siagang ka'di-ka'diangamo. Ammakeang kekke'-kekke'mi ke'nanga siagang sapatu toa le'bakamo nitampeng-tampeng.