YOSUA 9:1 - KITTA' MATANGKASA'

¹ Tassiaraki anjo kabara'-kabara' pammetanna tu Israel sa'genna mae ri sikontu karaeng niaka ilaukanna Binanga Yordan, iamintu niaka ri daera pa'monconganga, ri bangkenna monconga, ri lappara' a'la'bua ri birinna Tamparang Tangngaya sa'genna mange ri Moncong Libanon bellana ri bageang wara'; kammayatompa karaeng-karaeng tu Het, tu Amori, tu Kanaan, tu Feris, tu Hewi siagang karaenna tu Yebus.

YOSUA 9:1 Iomraidhean Croise

2 SAMUEL 24:7

Battu anjorengi ke'nanga nampa a'lampa timboro' mange ri Tirus iamintu kota niaka pattahanganna. Situlusu'na a'lampami pole ke'nanga mange ri sikontu kotana tu Hewi siagang tu Kanaan, nampa kala'busanna mange ri Bersyeba, bageang timboranna Yehuda.

KALAPPASSANG 23:23

La'lampa rioloi malaekakKu ri dallekannu siagang naerangko mange ri pa'rasanganna tu Amori, Het, Feris, Kanaan, Hewi siagang Yebus, siagang laKuancuru' ngasengi ke'nanga.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

KALAPPASSANG 34:11

Mannurukiko ri hukkung-hukkung Kupassareanga mae ri kau anne alloa. LaKubongkai a'lampa bansa Amori, Kanaan, Het, Feris, Hewi siagang Yebus ri wattunnu maju mae ri ke'nanga.

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

PAMMILANGNGANG 34:6

Tamparang Tangngaya a'jari pa'baeng-baenna pa'rasangannu ri bageang ilau'.

PAOLE 1:7

Kamma-kamma anne bongkara'mi kemanu nampa a'lampako mange ri daera monconna tu Amori siagang mange ri sikontu daera niaka ri tammulilina, iamintu Ka'bung Yordan, daera bulu'-buluka siagang lapparaka, daera bageang timboroka siagang birinna Tamparang Tangngaya. A'lampa mako mange ampammantangngi butta Kanaan siagang daera Monconna Libanon sa'genna mange ri binanga lompona Efrat.

PAOLE 3:25

Kisarema' pangngellai untu' allimbangi Binanga Yordan, Batara, untu' anciniki pa'rasangang copponga buttana, moncong ga'gaya siagang Monconna Libanon.

PAOLE 4:49

siagang sikontu daera irayanganna Binanga Yordan timboro' sa'genna Tamparang Matea ri bangkenna Moncong Pisga.

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 1:4

Anjo daeranu la'la'baki battu ri parang lompoa timboro' sa'genna mange ri pa'monconganna Libanon pawara'na, kammayatompa battu ri anjo Binanga Efrat lompoa iraya tulusu' mae ri kabusu'na pa'rasanganna bansa Het sa'genna Tamparang Tangngaya pakalau'na.

YOSUA 10:23

Nisungkemi anjo kali'bong batua, nampa nierang assulu' karaeng-karaeng Yerusalem, Hebron, Yarmut, Lakhis siagang Eglon,

YOSUA 11:17

Luara'na anjo daeraya appakkaramulai battu ri Pa'moncongang A'gondoloka ri bageang timboro' ri ampi'na Edom, sa'genna wara' ri Baal-Gad ri Lappara' Libanon ri timboranna Moncong Hermon. Sallo sikali Yosua a'bundu' siagang sikamma karaeng niaka anjoreng ri daeraya, mingka kale'bakkanna najakkala'mi siagang nabuno ngasemmi ke'nanga.

YOSUA 13:5

nampa daera bansa Gebal, siagang sikontu daera Libanon a'lampa anrai', battu ri Baal-Gat ri bageang timboranna Moncong Hermon, tulusu' mange ri oloang mangea ri Hamat.

YOSUA 15:12

a'jaria garisi' pa'baeng-baeng bageang ilau'na daera suku Yehuda. Lalangi ri anjo daeraya ammantang sikamma kaluarga niaka lalang ri suku Yehuda.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

YOSUA 23:4

Buttana bansa-bansaya niaka ija ammantang, kammayatompa buttana sikontu bansa le'bakamo kubeta, iamintu butta takka'ranga battu iraya ri Binanga Yordan tulusu' kalau' sa'genna ri Tamparang Tangngaya, le'ba' kabusu'mi kubage-bage mae ri kau untu' a'jari pisakanu.

YOSUA 24:11

Nampa a'limbangko ri Binanga Yordan, nubattu mange ri Yerikho. Nibundukiko ri tu Yerikho, kammayatompa ri tu Amori, ri tu Feris, ri tu Kanaan, ri tu Het, ri tu Girgasi, ri tu Hewi siagang ri tu Yebus. Mingka Kusareko pammetang mae ri yangasenna anjo ke'nanga.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.

YOSUA 5:1

Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.

YOSUA 6:27

Nirurungangi Yosua ri Batara, siagang a'jari masahoroki arenna Yosua ri sikontu anjo pa'rasanganga.

YOSUA 9:7

Mingka nakana ngasemmo tu Israel, “Untu' apa namusti appare' parjanjiang ikambe siagang ikau ngaseng? Gassingka ambaniji anrinni pammantangannu!”