YOSUA 8:9 - KITTA' MATANGKASA'

⁹ Nampa nakirimmo Yosua anjo ke'nanga, siagang a'lampami ke'nanga accokko ri laukanna kota Ai, iamintu ri alla'na Ai siagang Betel, nampa attayang anjoreng. Mingka Yosua a'bangngi ri pakkemaanna tu Israel.

YOSUA 8:9 Iomraidhean Croise

PA'JARIANG 12:8

Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

PA'JARIANG 32:21

Jari nakiring a'lampa riolomi anjo apa eroka napassareang, nampa ia kalenna a'bangngi ri pakkemaanna.

YOSUA 7:2

Anjo wattua nia' siapa are tau nasuro Yosua battu ri Yerikho mange ri kota Ai, iamintu se'rea kota irayanganna Betel, ri ampi'na Bet-Awen. Anjo sikammaya tau nisarei tugasa' untu' a'lampa ansalidiki anjo daeraya. Le'ba'na nagaukang ke'nanga anjo tugasaka,

YOSUA 8:10

Ri bari'basa' dudua ambangummi Yosua siagang naparentakammi sollanna asse're pasukanna. Nampa ia siagang sikamma pamimpinna umma' Israel naerammi anjo pasukanga mange ri Ai.

YOSUA 8:12

Nia'mo kira-kira 5.000 tau nasuro accokko ri laukanna anjo kotaya, ri alla'na Ai siagang Betel.

YOSUA 8:8

Punna nupantamakkimi, tunumi anjo kotaya, situru' apa Naparentakanga Batara. Iaminjo tugasa'nu ngaseng.”

1 SAMUEL 30:27

Anjo kota-kotaya iamintu: Betel siagang Rama ri bageang timboranna Yehuda, Yatir, Aroër, Sifmot, Estemoa, Rakhal, kammayatompa kota-kotana tu Yerahmeel, kota-kotana tu Keni, Horma, Bor-Asan, Atakh siagang Hebron. Yangasenna anjo kotaya le'baki mange Daud siagang ana' buana a'lette' mange-mange; nakiringi ngasemmi Daud hadia.