YOSUA 8:2 - KITTA' MATANGKASA'

² Ai siagang karaenna nupareki nupasangkamma Yerikho siagang karaenna riolo. Mingka kamma-kamma anne, akkullei nualle barang-baranna siagang olo'-olo'na untu' nukammai. Sadia-sadia mako untu' ambunduki silalonnai anjo kotaya battu ri boko.”

YOSUA 8:2 Iomraidhean Croise

2 PATTOTTORANG 13:13

Lalanna anjo wattua nakirimmi Yerobeam sipa'gang pasukanna untu' angngadangi pasukanna Yehuda battu ri boko, nampa sipa'gang maraenganga andallekangi ke'nanga battu ri dallekang.

2 PATTOTTORANG 20:22

Ri wattunna appakkaramula akkelong suara' anjo pakelonga, Napakaricumi Batara tantara musu eroka a'bakka maju a'bundu'.

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

PANGNGEBARANG 28:20

Tau lambusuka laNibarakkaki ri Batara, mingka tau eroka linta' kalumanynyang, takkulleai naliliang hukkunganga.

YEREMIA 17:11

Rapang jangang-jangang anggoppoki bayao teai bayaona, kammaminjo tau jekkonga anggappa pa'barang-barangngang. Ri attangnga umuru'na latappela' ngasengi barang-baranna. Ri kala'busang tallasa'na a'butti angkana ia tau dongo' sikali.

YEREMIA 51:12

Assareko tanra untu' maju ambunduki tembo'-tembo'na Babel. Pakajarreki pa'jaganga. Appa'niakko pajaga. Apparuruko untu' maju a'bakka!” Napa'rupami Batara apa le'baka Narancanakang mae ri tu Babel.

PAOLE 2:35

Olo'-olo'na ke'nanga niallei siagang nirampasaki kota-kotana.

PAOLE 20:14

Mingka akkullei nualle tubai'-bainea, ana'-anaka, olo'-oloka, siagang apa-apa mamo niaka ri anjo kotaya. Sikontu barang-baranna anjo musunnu akkullei nupake. Karaeng Allata'alanu ampassareangi anjo barang-baranga mae ri kau.

PAOLE 3:2

Mingka Nakanamo Batara mae ri nakke, ‘Teako mallakki mae ri ia, Musa. LaKupassareangi anjo taua mae ri kau, kammayatompa tantarana siagang sikontu daerana. Gaukammi mae ri ia sangkamma apa le'baka nugaukang mae ri Sihon, karaenna tu Amori ammarentaya ri Hesybon.’

YOSUA 10:1

Nalangngere' kabara'mi Adoni-Zedek, iamintu karaenga ri Yerusalem, angkanaya le'ba'mi nabeta siagang naancuru' taba sikali Yosua kota Ai, kammayatompa nabunoi karaenna sangkamma le'baka nagaukang mae ri Yerikho siagang karaenna. Nalangngere' tommi kabara'na angkanaya le'ba'mi tu Gibeon appare' parjanjiang passari'battangngang siagang tu Israel kammayatompa ammantammi ri tangnga-tangngana ke'nanga.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 11:14

Sikontu pandudu'na anjo kotaya nibuno ngasemmi; tena manna sitau nilappassang attallasa'. Mingka sikontu barang-baranna niaka anggaranna siagang olo'-olo' piarana niallei ri tu Israel nampa nakammai ke'nanga.

YOSUA 6:21

Sikamma tau niaka lalang ri anjo kotaya, tau toa yareka tau rungka, bura'ne yareka baine, nabuno ngasemmi ke'nanga siagang pa'dang. Manna sikontu olo'-oloka kammayami sapi, gimbala', siagang keledai nabuno ngaseng tongi ke'nanga.

YOSUA 8:12

Nia'mo kira-kira 5.000 tau nasuro accokko ri laukanna anjo kotaya, ri alla'na Ai siagang Betel.

YOSUA 8:14

Kamma nacini'na karaeng Ai anjo ana' buana Yosua, akkaro-karomi angngalle tindakang. Assulu'mi siagang sikontu taunna mange ri ka'bunna Yordan untu' ambunduki tu Israel anjoreng ri tampa' pirangalloanga. Tanaassengai angkanaya tasalloami nanibunduki battu ri boko.

YOSUA 8:19

Kamma naangka'na limanna Yosua, ammenteng ngasemmi linta' anjo pasukang accokkoa nampa a'bakka antama' ri anjo kotaya, nampa naempoi. Natunu memanji ke'nanga anjo kotaya.

YOSUA 8:24

Le'ba'na pasukang Israel nabuno ngaseng tantara musu angngondangai ke'nanga ri parang kalotoroka, ammotere'mi ke'nanga mange ri Ai, nampa nabuno sikontu tau niaka anjoreng.

YOSUA 8:3

Jari sadia-sadiami Yosua siagang sikontu tantarana untu' a'lampa mange ri Ai. Ammilemi 30.000 tau, iamintu tantara kaminang bajika, nampa nasuro ri wattu bangngi ke'nanga,

YOSUA 8:7

Iaminjo wattua numusti assulu' battu ri tampa' paccokkoannu, siagang nualle anjo kotaya. Karaeng Allata'alanu lampassareangi mae ri kau.

YOSUA 8:8

Punna nupantamakkimi, tunumi anjo kotaya, situru' apa Naparentakanga Batara. Iaminjo tugasa'nu ngaseng.”

YOSUA 8:9

Nampa nakirimmo Yosua anjo ke'nanga, siagang a'lampami ke'nanga accokko ri laukanna kota Ai, iamintu ri alla'na Ai siagang Betel, nampa attayang anjoreng. Mingka Yosua a'bangngi ri pakkemaanna tu Israel.

YOSUA 9:3

Mingka anjo tu Gibeon battua ri bansa Hewi le'ba'mi nalangngere' apa le'baka nagaukang Yosua mae ri kota Yerikho siagang Ai.