YOSUA 8:18 - KITTA' MATANGKASA'

¹⁸ Nampa Nakanamo Batara ri Yosua, “Angkaki pokenu siagang pa'dalle' mangei matanna ri kota Ai; kamma-kamma anne Kupassareangi anjo kotaya mae ri kau.” Nagaukammi Yosua anjo apa Naparentakanga Batara.

YOSUA 8:18 Iomraidhean Croise

AYUB 15:25

Kammaminjo sarenna tau ambaliai Allata'ala, siagang barania angngewai Kaminang Koasaya.

AYUB 39:23

Sanjata nasalempanga pabaena a'garincingi siagang accillaki nataba caya.

KALAPPASSANG 14:16

Angkaki takkannu nanupajonjo ri tompo'na tamparanga. Na lata'bage rua anjo je'neka sa'genna akkulle a'limbang tu Israel, a'jappa irawa ri dapara'na tamparanga, ia kalotoroka.

KALAPPASSANG 8:1

Nampa Nakana Batara ri Musa, “A'lampako mange andallekang ri karaenga siagang pabattui mae ri ia pasangKu anne: Lappassangi ummakKu a'lampa untu' anggaukangi ibadana mae ri Nakke.

KALAPPASSANG 8:5

Nakana Batara ri Musa, “Suroi Harun ampajonjoi takkanna ri tompo'na sikamma binanga-binangaya, sikamma solonganga siagang kollang-kollanga, sollanna ammumba anjo tumpanga ri kere-keremae na napirassi butta Mesir.”

YEHEZKIEL 30:25

Tojeng, karaeng Mesir laKupa'jari lammai, nampa karaeng Babel laKupa'jari kassaki. Punna Kupassareang pa'dangKu ri ia, nampa napatuju limanna mange ri Mesir, lanaassemmi ke'nanga angkanaya iNakke Batara.

YOSUA 8:17

Sikontu tau niaka ri Ai assulu'mi angngondangi tu Israel, sa'genna ammantammi tassungke bawang anjo kotaya, tena tau anjagai.

YOSUA 8:19

Kamma naangka'na limanna Yosua, ammenteng ngasemmi linta' anjo pasukang accokkoa nampa a'bakka antama' ri anjo kotaya, nampa naempoi. Natunu memanji ke'nanga anjo kotaya.

YOSUA 8:7

Iaminjo wattua numusti assulu' battu ri tampa' paccokkoannu, siagang nualle anjo kotaya. Karaeng Allata'alanu lampassareangi mae ri kau.

1 SAMUEL 17:41

Tena siapa sallona, Goliat nirurunganga ri dallekang ri paerang pannangkisi'na, appakkaramulami a'jappa mange anreppesi Daud.

1 SAMUEL 17:45

Mingka appialimi Daud angkana, “Battuko mae angngewa' siagang pa'dang siagang poke kammayatompa paccoka, mingka inakke battua' angngewako lalang arenNa Batara Kaminang Koasaya, Allata'alana anjo tantara Israel nuhinaya.

1 SAMUEL 17:6

Bangkenna nilapisiki pa'lapisi' bangkeng tambagaya nipare', siagang ri salangganna nia' nasompo poke tambaga.