YOSUA 8:10 - KITTA' MATANGKASA'

¹⁰ Ri bari'basa' dudua ambangummi Yosua siagang naparentakammi sollanna asse're pasukanna. Nampa ia siagang sikamma pamimpinna umma' Israel naerammi anjo pasukanga mange ri Ai.

YOSUA 8:10 Iomraidhean Croise

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

PAMMUJI 119:60

Akkaro-karoma' siagang tenamo kuttayang untu' anggaukangi parentaTa.

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

YOSUA 6:12

Ammukona ri bari'basa' dudua, ambangummi Yosua, nampa a'barrisi'mi makapinruanna sikamma imanga siagang tantaraya angnginroi anjo kotaya; susunna anjo barisanga sangkammai ri allo makase'rea: uru-uruna barisang pangawala' ri dallekang, nampa tujua patui' tarompe', nipinawang ri imang-imang a'buleka Patti Parjanjiang, nampa kala'busanna iamintu barisang pangawala' bageang ri bokoa. Lalang kammana anjo nipasa'ra turusmi tarompeka.

YOSUA 7:16

Ammukona ri bari'basa' dudua, nasuromi Yosua maju umma' Israel mae ri dallekang, tasse're-se're suku, nampa suku Yehudami nataba.

YOSUA 8:11

Anjo pasukanga siagang Yosua a'jappai mange ri pakke'bu' lompo lomoro' se'rena kota Ai, nampa akkema ri bageang warakkang, niaka se're ka'bung ri alla'na ke'nanga siagang anjo kotaya.

YOSUA 8:9

Nampa nakirimmo Yosua anjo ke'nanga, siagang a'lampami ke'nanga accokko ri laukanna kota Ai, iamintu ri alla'na Ai siagang Betel, nampa attayang anjoreng. Mingka Yosua a'bangngi ri pakkemaanna tu Israel.