YOSUA 7:6 - KITTA' MATANGKASA'

⁶ Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.

YOSUA 7:6 Iomraidhean Croise

PA'JARIANG 37:29

Ri wattunna ammotere' Ruben mange ri anjo bungunga nampa tanabuntulamo Yusuf anjoreng, nakekke'mi bajunna lanri si'nana nyawana.

PA'JARIANG 37:34

Nakekke'mi pakeanna Yakub lanri si'nana nyawana, nampa ammake pakeang kasusaang. Siapa are allonna nakarruki anjo anaka.

2 SAMUEL 1:11

Nalangngere'na Daud anjo kammaya, nakekke'mi pakeanna lanri si'nana. Na sikontu ana'-ana'na appakamma ngaseng tommi.

2 SAMUEL 1:12

Angngarru'mi ke'nanga siagang susami. Kammayatompa appuasami ke'nanga sa'genna bangngi lanri Saul siagang Yonatan, siagang lanri ra'ya' Israel, umma'Na Batara, lanri teai sipato' jaina mate lalang anjo pa'bundukanga.

2 SAMUEL 1:2

Ammukona, nia'mo se're tu rungka battu ri pakkemaanna Saul. Salaku pammatei angkanaya susa kamateangi, nakekke'mi pakeanna siagang naboneimi butta ulunna. A'lampai mange ri Daud nampa su'ju' ri dallekanna.

2 SAMUEL 12:16

Nampa appala' doammo Daud mae ri Batara sollanna akkulle ammolle ri garrinna anjo anaka. Appuasai siagang tunggala' bangngi attinro sipattang bujuru' ri dapara' bili'na.

2 SAMUEL 13:19

Nampa naboneimo au ulunna Tamar, nakekkeki jubana, siagang natongko'mi rupanna siagang rua limanna nampa angngarru' pacce nyawana.

2 SAMUEL 13:31

Ammentemmi karaenga, nampa nakekke' pakeanna lanri si'nana nyawana, siagang napara'bami kalenna naung ri daparaka. Sikontu pagawena nakkekke' tommi pakeanna ke'nanga.

2 KARAENG-KARAENG 22:11

Nalangngere'na karaenga antekamma bonena anjo kittaka, nakae-kaemi pakeanna napakamma si'na pa'mai'na.

2 PATTOTTORANG 34:19

Nalangngere'na karaenga bonena anjo kittaka, nakae-kaemi pakeanna napakamma si'na pa'mai'na.

EZRA 10:1

Lalang appala' doanna Ezra siagang angngarru' appala' popporo' ri dallekanna Balla'Na Batara, sanna' jaina tu Israel battu a'rappungang, bura'ne, baine, siagang ana'-ana'. Nakulilingi ke'nanga anjo Ezra nampa angngarru' lompo ngaseng.

NEHEMIA 9:1

Ri tanggala' ruampulo angngappa' anjo todong bulanga, a'rappungammi ra'ya' Israel. Appuasai ke'nanga untu' pammatei ri assesse' lalanna lanri dosa-dosana ke'nanga. Nasa'la'mi kalenna ke'nanga battu ri bansa-bansa maraenga. Untu' a'jari pammatei ri si'nana pa'mai'na ke'nanga, ammakemi ke'nanga kaeng karung siagang nakiorimi butta ulunna ke'nanga. Nampa ammenteng siagang namangakui dosana ke'nanga siagang dosana boe-boena ke'nanga.

ESTER 4:1

Nalangngere'na Mordekhai anjo apa kajarianga, nakekke'mi pakeanna, nampa ammake kaeng karung, a'jari pammatei angkana si'nai. Nakiorimi au ulunna, nampa a'jappa ri kotaya angngarru' lompo appakadinging-dinging pa'mai'.

ESTER 4:3

Kammayatompa ri sikontu daera propinsia, appiraung ngasemmi nalangngere'na nipa'la'bang parentana karaenga. Appuasami ke'nanga, angngarru' siagang akkunrareng, siagang jaimi ri ke'nanga ammake kaeng karung siagang attinro rate ri aua.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

AYUB 2:12

Mingka nacini' battu bellana ija ke'nanga anjo Ayub, sike'de' mami ke'nanga natanarupaya anjo Ayub. Angngarru' lompomi ke'nanga siagang nakekkeki pakeanna kammayatompa appasimbummi limbu'bu' nai' ri allaka siagang nai' ri ulunna ke'nanga.

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

PIRAUNG 2:10

Sikontu tutoa-toana kotaya ammempo mami ri butta tamakkana-kana; nakiori limbu'bu' ulunna ke'nanga, nammake kaeng karung tanra susana. Manna sikamma tuloloa su'ju'mi naung sa'genna buttaya.

PAMMILANGNGANG 14:6

Yosua ana'na Nun siagang Kaleb ana'na Yefune, rua tau battu ri anjo mata-mataya, nakekkeki pakeanna ke'nanga pammateinna angkana susai ke'nanga.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

LAMPA-LAMPANA 14:14

Nalangngere'na Barnabas siagang Paulus anjo apa eroka nagaukang anjo taua ngaseng, nakekke'-kekke'mi pakeanna ke'nanga, nalari mange ri tangnga-tangngana anjo tau jaia, nampa ammarrang angkana,

YOSUA 7:7

Nakanamo Yosua ri Batara, “O, Allata'ala Bataraku! Untu' apa naKierang ikambe anta'leang mae ri ba'leanna anne Yordan? Apaka lanri erotTa ampassareangi anne ikambe mae ri tu Amori? Sollanna namate ikambe? Bajikangngangi ka'de' ammantang mami ikambe, ri ba'leanna Yordan!

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”

HAKING-HAKING 11:35

Kamma nacini'na Yefta anjo ana'na, sanna'mi si'nana nyawana. Nakkeke'-kekke'mi bajunna, na nakana, “O Anakku, panra'mi atingku! Le'ba'ma' assumpa ri Batara, na takkulleamo kupinra!”

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

HAKING-HAKING 21:2

Kamma-kamma anne a'lampami ke'nanga mange ri Betel, nammempo si'na pa'mai'na sa'genna bangngi ri dallekanNa Batara. Angngarruki siagang akkioki ke'nanga mae ri Batara, angkana,

1 SAMUEL 4:12

Nia' sitau battu ri suku Benyamin lari battu ri tampa' pa'bundukanga mange ri Silo, na battu mange anjoreng ia memang anjo alloa. Untu' a'jari pammatei ri susana, nakekke'-kekke'mi care-carena na naboli' ri ulunna.