YOSUA 7:21 - KITTA' MATANGKASA'

²¹ Ri alla'na barang-barang niallea, nia' kucini' juba sanna' ga'gana, pare' Babilonia, pera' kira-kira nia' rua kilo battala'na, siagang bulaeng sipolong kira-kira la'bi sitangnga kilo battala'na. Ero' dudua' ri anjo barang-baranga, jari kuallemi siagang kucokkoi lalang ri buttaya ri kemaku; rawa dudui pera'na kuboli'.”

YOSUA 7:21 Iomraidhean Croise

PA'JARIANG 10:10

Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

PA'JARIANG 3:6

Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

PA'JARIANG 34:27

Le'baki nagaukang anjo pammunoanga ke'nanga, battu tommi ana'na Yakub maraenganga anrampasaki barang-baranna taua ri anjo kotaya, a'jari pa'balasa' lanri le'ba'na nigau' sala andi'na ke'nanga.

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

2 KARAENG-KARAENG 7:8

Anjo appaka tau garring sala battui mange ri birinna anjo pakkemaanga, siagang antama'mi ke'nanga ri kalase'renna kemaya. Angnganre siagang anginummi ke'nanga anjoreng kammayatompa angngallemi ke'nanga bulaeng, pera' siagang siapa are jaina pakeang nampa a'lampa ke'nanga mange ancokkoi. Le'baki anjo ammotere'mi pole ke'nanga nampa antama ri kema maraenga nampa nagaukammo pole kamma nagaukanga ke'nanga sumpaeng.

AYUB 31:1

“Le'ba'ma' assumpa siagang janji talaniakkami cinnaku anciniki tau loloa.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

KALAPPASSANG 20:17

Teako kacinnai barang-baranna parannu rupatau, kammaya: balla'na, bainenna, ata-atanna, olo'-olo'na, keledaina, yareka apa-apa mamo baranna parannu tau.”

PANGNGEBARANG 1:19

Kamma memangi, angkanaya tau ammakea katerassang a'boya dalle', nyawana tonji ke'nanga lanapabayara'.

PANGNGEBARANG 23:31

Teako passareangngi kalennu nigoda ri anggoro', manna pole naga'ga dudu tanja'na siagang accilla'-cilla' tanja'na lalang ri kacaya, kammayatompa nyamang sikali nisa'ring assolong antama' ri kallonga.

PANGNGEBARANG 28:22

Tau angngoaya eroki linta' kalumanynyang; tanaassengai kalenna angkana tasalloai nakakasi-asiang antujui.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 12:2

Nasaba' tenanniakka apa-apa taccokko talakacinikang; yareka tenanniakka apa-apa nirahasiakang talakaassengang.

EFESUS 5:3

Ikau ngaseng Umma'Nako Allata'ala. Lanri kammana, tasiratangai nia' ri tangnga-tangnganu nikanaya gau' bawang, gau'-gau' tenaya nasiratang, yareka kangoanga. Gassingka nia' napare' alasang taua ampakkanaiko angkana nugaukangi anjo sikammaya.

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

PAOLE 7:25

Tunui sikamma patung-patung barhala nasombaya ke'nanga. Teako cinnai ri pera' yareka bulaeng niaka ri kalenna siagang teako allei untu' kalennu. Punna nudakkai anjo parentaya tena tamatenu, nasaba' Nakabirisi Karaeng Allata'alanu anynyombaya ri patung barhalaya.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

YOSUA 7:20

Nakanamo Akhan, “Kammatojengi, le'ba'ma' a'gau' dosa mae ri Batara, Allata'alana Israel. Iaminne kugaukanga:

YOSUA 7:22

Nampa akkirimmo Yosua linta' tau mange ri kemana Akhan. Na'nassamo angkanaya anjo barang-barang nipappisangkanga nia' ngasengiji anjoreng, nicokko lalang ri buttaya, siagang pera'na niaki rawa dudu.

2 PETRUS 2:15

Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.