YOSUA 7:2 - KITTA' MATANGKASA'

² Anjo wattua nia' siapa are tau nasuro Yosua battu ri Yerikho mange ri kota Ai, iamintu se'rea kota irayanganna Betel, ri ampi'na Bet-Awen. Anjo sikammaya tau nisarei tugasa' untu' a'lampa ansalidiki anjo daeraya. Le'ba'na nagaukang ke'nanga anjo tugasaka,

YOSUA 7:2 Iomraidhean Croise

PA'JARIANG 12:8

Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

PA'JARIANG 28:19

Naaremmi anjo tampaka Betel. (Riolo arenna Lus.)

1 KARAENG-KARAENG 12:29

Nampa naboli' Yerobeam kalase'renna anjo sapi bulaenga ri Betel, na maraengannaya ri Dan.

NEHEMIA 11:31

Siapa are battu ri suku Benyamin ammantang ri Geba, Mikhmas, Ai, Betel siagang desa-desa niaka ri ampi'na,

PANGNGEBARANG 20:18

Rancanaya a'jari lanri tangara'; lanri kammana anjo, teako appattujuangi punna tena rancana baji'.

PANGNGEBARANG 24:6

Nasaba' ri tenanapa ni'bundu parallui nia' rancana baji' rolong, siagang pila' jai tumappakainga', pila' lompoi panrannuanga lammeta.

YESAYA 10:28

Naempoimi tantara Asyur kota Ayat. Nalaloimi ke'nanga Migron! Bokonna ke'nanga naboliki ri Mikhmas!

YEREMIA 49:3

He tu Hesybon, angngarrukko, lanri kota Ai ancuru'mi! He tubainea ri kota Raba, appiraungko! Pakei kaeng karunga pammatei susanu. Lariko anrai' kalau', a'lingu-lingu. Milkom, rewatanu, niengka'mi mae ri butta pammelakkanga siagang imang-imanga kammayatompa sikamma pagawe pamarentana!

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

EFESUS 5:15

Lanri kammana, parhatikangi baji'-baji', antekamma katallassannu. Teako attallasaki sangkamma tau dongoka. Attallasakko sangkamma tau cara'de'.

YOSUA 12:9

Sikamma karaeng nibetaya, nia' tallumpulo asse're tau, iamintu karaeng-karaeng battua ri anne kota-kotaya: Yerikho, Ai (ri ampi'na Betel), Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek, Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (ri Karmel), Dor (ri biring tamparang), Goyim (ri Galilea) siagang Tirza.

YOSUA 18:12

Ri bageang wara', pa'baeng-baenna buttana ke'nanga appakkaramulai battu ri Binanga Yordan, nampa nai' ri pungku'na moncong ri warakkanna Yerikho, nampa a'lampa kalau' allalo ri daera pa'monconganga sa'genna mange ri daera Bet-Awen.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 7:3

ammotere'mi ke'nanga siagang a'laporo'mi mae ri Yosua. Nakana ke'nanga, “Tenaja niparallu a'lampa ngaseng untu' ambunduki anjo kota Ai. Kira-kira ruassa'bumo yareka tallussa'bumo tau kiring mange anjoreng. Tea'mi kiring ngasengi tantaraya mange anjoreng untu' a'bundu', nasaba' anjo kotaya ca'di-ca'diji.”

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.

1 SAMUEL 14:23

A'bundu'mi ke'nanga ri sikamma aganga sa'genna allalo ri Bet-Awen. Nipasalama'mi ri Batara tu Israel anjo alloa.

1 SAMUEL 30:27

Anjo kota-kotaya iamintu: Betel siagang Rama ri bageang timboranna Yehuda, Yatir, Aroër, Sifmot, Estemoa, Rakhal, kammayatompa kota-kotana tu Yerahmeel, kota-kotana tu Keni, Horma, Bor-Asan, Atakh siagang Hebron. Yangasenna anjo kotaya le'baki mange Daud siagang ana' buana a'lette' mange-mange; nakiringi ngasemmi Daud hadia.