YOSUA 6:7 - KITTA' MATANGKASA'

⁷ Nampa nasuro Yosua a'barrisi' tantarana angkulilingi anjo kotaya, siagang nia'mo barisang pangawala' ri dallekang a'jappaya ri dallekanna Patti ParjanjianNa Batara.

YOSUA 6:7 Iomraidhean Croise

YOSUA 1:14

Sikontu ana'nu, bainennu, siagang olo'-olo'nu akkullei ammantang anrinni, mingka sikontu tantaranu musti sadiai untu' a'bundu' a'jappa riolo ri dallekanna tu Israel maraengannaya a'limbang ri Binanga Yordan.

YOSUA 4:13

Yangasenna niaki 40.000 tu bura'ne angngerang ngaseng sanjata siagang sadiaya untu' a'bundu'. Ri dallekanNa Batara, alimbangi ke'nanga nampa mange ri lappara' rawaya ri ampi'na Yerikho.

YOSUA 6:3

Ikau siagang tantaranu musti a'barrisikko angkulilingi anjo kotaya sikali siallo lalang annangallo.

YOSUA 6:6

Jari nakio'mi Yosua sikamma imanga, na nakana, “Angkaki anjo Patti Parjanjianga; tuju tau battu ri kau ngaseng musti a'jappa ri dallekanna siagang angngerang tarompe'.”

YOSUA 6:8

Situru' parentana Yosua, a'jappami barisang pangawala' ri dallekanga, iamintu ri dallekanna sikamma imang-imang patui' tarompeka, nipinawang ri imang-imang a'buleka Patti Parjanjianga, nampa nitongko' ri barisang pangawala' kaminang ri bokoa. Lalang a'jappana ke'nanga, nipasa'ra turusmi tarompeka.