YOSUA 6:4 - KITTA' MATANGKASA'

⁴ Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.

YOSUA 6:4 Iomraidhean Croise

PA'JARIANG 2:3

Nampa Nabarakkakimo anjo allo makatujua siagang Nasa'la'mi a'jari allo pammari-mariang, lanri iaminjo alloa Nammari-mari Allata'ala ri wattu le'ba'namo Napa'jari jama-jamanNa.

1 KARAENG-KARAENG 18:43

Nakana ri palayanna, “Naikko ri coppo' nampa accinikko mae ri tamparanga.” Nai'mi anjo atanna, nampa ammotere' siagang nakana, “Tena apa-apa kucini'.” Sa'genna pintuju nasuro Elia anjo atanna nai' naung untu' accini'.

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”

2 KARAENG-KARAENG 5:14

Lanri kammana anjo a'lampami Naaman mange ri Binanga Yordan nampa antama' ampaselangi kalenna pintuju sangkamma napassuroanga Elisa. Na'jari baji'mo Naaman. A'jari baji'mi ammotere' tanja'na kalenna sangkamma kale turungka.

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

2 PATTOTTORANG 20:17

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”

2 PATTOTTORANG 20:19

Nampa sikamma tu Lewi battua ri pa'lokoang bijanna Kehat siagang Korah ammenteng kabusuki, akkio' rannu mammuji ri Batara, Allata'alana Israel.

2 PATTOTTORANG 20:21

Le'baki sipa'bicara siagang ra'yaka, nasuromi karaenga ampakei pakeanna sikamma pakelonga, iamintu pakeang biasaya napake ke'nanga ri upacara-upacara matangkasaka lalang ri agamaya. Anjo pakelonga musti a'barrisiki ri dallekanna barisanna tantaraya nampa akkelong suara' angkana, “Puji Batara! Mangngamaseangi satunggu-tungguna!”

AYUB 42:8

Jari, angngalleko kamma-kamma anne tuju kayunna sapi laki siagang tuju kayunna bembe laki, nampa a'lampako mange ri Ayub. Passareang ngasengi anjo sikammaya, a'jari koro'bang untu' kalennu. Lappala' doangi Ayub untu' ikau ngaseng, nampa laKupilangngeri pappala' doanna. Tena nalaKupakasirikko, manna nusiratang annarima hukkungang. Teai kammatojenga nupau ri passala'na KalengKu, mingka Ayub napaui kammatojenga.”

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

KAIMANGNGANG 14:16

Le'baki anjo najallakkammi karemeng lima kananna antama' ri minynyaka, siagang naparacci' pintuju antama' ri KemaNa Batara.

KAIMANGNGANG 4:6

Nampa musti najallakkang karemenna antama' ri anjo ceraka siagang naparacci' pintuju ri dallekanna gordeng passimbanna Kamara' Matangkasaka.

ZAKHARIA 4:2

Akkuta'nangi angkana, “Apa nucini'?” Appialima' angkana, “Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

PAMMILANGNGANG 23:1

Nakanamo Bileam mae ri Balak, “Ambangung mako ri anne tampaka tuju tampa' pakkoro'bangngang untu' inakke, siagang appasadia mako anrinni tuju kayu sapi laki siagang tuju kayu gimbala' laki.”

YOSUA 6:3

Ikau siagang tantaranu musti a'barrisikko angkulilingi anjo kotaya sikali siallo lalang annangallo.

YOSUA 6:5

Nampa anjo sikamma imanga musti natui' la'bu ngasengi tarompe'na. Kamma nulangngere'na ngaseng anjo sa'ra tarompe' la'bua, sikontu tantaraya musti appadai akkio' lompo, nampa laruntung tembo' kalli'na anjo kotaya. Nampa antama' ngaseng memang mako ri anjo kotaya.”

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

PAPPICINI' 1:4

Sikamma sari'battang niaka ri tujua jama'ah ri daera Asia! Inakke, Yohanes, ma'minasa' nuporo nisare ngaseng barakka' siagang kasalewangang battu ri Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna; kammayatompa battu ri tujua roh ia niaka ri dallekang empoang kala'biranNa Allata'ala,

PAPPICINI' 10:3

Nampa akkio' sangkamma singa ammarrang lompoa. Le'ba'na akkio' anjo malaekaka, appialimi anjo tujua gunturu' sangkamma sa'ra ammarrunga.

PAPPICINI' 15:1

Nampa nia' kucini' ri langika apa appakalannasaka siagang sannaka heba'na. Nia' tuju malaeka' siagang tuju bala kala'busanga. Iaminne kala'busanna Napappicinikang kalarroanNa Allata'ala.

PAPPICINI' 15:7

Nampa kalase'renna battu ri anjo appaka anu attallasa' ansarei anjo tujua malaeka' tuju pammoneang bulaenga nipare', rassia siagang kalarroanNa Allata'ala, iamintu Allata'ala Mattallasaka satunggu-tungguna.

PAPPICINI' 16:1

Nampa nia' kulangngere' sa'ra lompo battu lalang ri Balla'Na Allata'ala angkana mae ri anjo tujua malaeka' angkana, “A'lampako nanutumpa bonena anjo pammoneang kalarroanNa Allata'ala naung ri buttaya!”

PAPPICINI' 5:1

Nampa nia' kucini' ri limanNa anjo ammempoa ri empoang kala'biranga se're kitta', sangkammaya gulungang karattasa'. Anjo kittaka rassi tulisang pimbali-bali. Nibatei gulunganna anjo kittaka siagang tuju segele'.

PAPPICINI' 5:6

Nampa nia' kucini' sikayu Ana' Gimbala' ammenteng ri tangnga-tangngana anjo empoang kala'biranga nikulilingi ri anjo appaka anu attallasa' siagang sikontu anjo pamimpinga. Anjo Ana' Gimbalaka sangkammai le'ba' nisamballe nicini'. Nia' tuju tanru'na siagang tuju matanna: iamintu tujua roh battu ri Allata'ala, nisuroa battu mange ri sikontu linoa.

PAPPICINI' 8:2

Nampa kucini' anjo tujua malaeka' ammentenga ri dallekanNa Allata'ala, siagang nisarei ke'nanga tuju tarompe'.

PAPPICINI' 8:6

Le'baki anjo, sadia-sadiami anjo tujua malaeka' anna'galaka tarompe' untu' ampasa'rai anjo tarompeka.