YOSUA 6:1 - KITTA' MATANGKASA'

¹ Ri kota Yerikho nijagai majarre'mi siagang nitongko' rapa'mi sikontu pakke'bu' lompoa sollanna takkullea tu Israel antama'. Tena manna sitau nipa'biang antama yareka assulu' battu ri anjo kotaya.

YOSUA 6:1 Iomraidhean Croise

2 SAMUEL 10:5

Mingka siri'-siriki ke'nanga ammotere' mange ri pa'rasanganna ke'nanga. Ri wattunna nipabattu mae ri Daud anjo passalaka, akkirimmi pasang sollanna ammantang anjo sikamma tunisuroa ri Yerikho sa'genna attimbo poleang janggo'na ke'nanga.

2 KARAENG-KARAENG 17:4

Mingka ri se'reang wattu, akkiringi Hosea tunisuro mange ri So karaeng Mesir untu' appala' bantuang. Nampa ammarimi Hosea a'bayara' passare taung-taung mae ri Asyur. Ri wattunna naasseng Salmaneser anjo panggaukanna Hosea, najakkala'mi Hosea nampa napantama' ri tarungkua.

2 KARAENG-KARAENG 2:4

Nampa nakanamo Elia ri Elisa, “Ammantang mako anrinni, Nasuroa' Batara a'lampa mange ri Yerikho.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana mange ri Yerikho.

PAMMUJI 127:1

Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

YOSUA 16:7

Battu ri anjo garisika naungi mange ri Atarot siagang Naharat, nampa tulusu' a'biring ri Yerikho siagang kala'busang ri Binanga Yordan.

YOSUA 18:21

Kota-kota napatanga kaluarga-kaluarga niaka lalang ri suku Benyamin, kabusu'na nia' sampulo anrua kota siagang desa-desa niaka ri tammulilina, iamintu: Yerikho, Bet-Hogla, Emek-Kezis, Bet-Araba, Zemaraim, Betel, Haawim, Para, Ofra, Kefar-Haamonai, Ofni, siagang Geba.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 2:24

Nampa nakana ke'nanga, “Mattantu Napassareangi Batara anjo sikontu pa'rasanganga mae ri katte; sikontu tau niaka anjoreng malla' ngasengi mae ri katte.”

YOSUA 2:7

Jari a'lampami anjo tau nasuroa karaenga ambokoi kotaya. Ri wattunna pantara'mo ke'nanga, nike'bu'mi pakke'bu' lompona kotaya. Naboyami ke'nanga anjo ruaya mata-mata sa'genna ri tampa' pa'limbangnganga ri Binanga Yordan.

YOSUA 5:15

Appialimi anjo panglima tantaraNa Batara angkana, “Sungkei sapatunu; antu butta nupammentengia iamintu butta matangkasa'.” Jari nasungkemi sapatuna Yosua.

YOSUA 6:2

Nakanamo Batara ri Yosua, “Kamma-kamma anne Kupassareangi mae ri kau anjo Yerikho siagang karaenna kammayatompa sikontu tantara baranina.