YOSUA 5:13 - KITTA' MATANGKASA'

¹³ Ri se'reang wattu niaki Yosua ri ampi'na Yerikho. Ti'ring nia'mo nacini' sitau bura'ne ammenteng ri dallekanna angngerang pa'dang ta'bi'bu'. Nareppesimi Yosua anjo taua nampa akkuta'nang angkana, “Ikau anne agangko, yareka baliko?”

YOSUA 5:13 Iomraidhean Croise

PA'JARIANG 18:1

Napappicinikangi KalenNa Batara mae ri Abraham ri ampi'na poko'-poko' kayu karama' ri ampi'na tampa' passambayanganga ri Mamre. Anjo alloa teai sipato' bambanna alloa, nasitabangi ammempo-mempo Abraham ri pakke'bu' kemana.

PA'JARIANG 18:2

Accini' nai'na, nia'mo nacini' tallu tau ammenteng ri dallekanna. Akkaro-karomi Abraham ero' mange anruppai ke'nanga. Assu'ju'mi

PA'JARIANG 28:16

Ambangummi Yakub battu ri tinrona nampa nakana, “Niaki Batara anrinni, ri tampaka. Mingka nampami kuasseng kamma-kamma anne.”

PA'JARIANG 33:1

Nacini'mi Yakub nia' battu mae Esau nirurungang ri patambilangngang taunna. Lanri kammana nasa'la'-sa'la'mi ana'na. Nia' ri Lea, ri Rahel siagang ri ruaya baine piarana.

PA'JARIANG 33:5

Ri wattunna nacini' Esau sikamma anjo bainea siagang ana'-ana'na, akkuta'nammi angkana, “Inai anjo ke'nanga niaka nuagang?” Appialimi Yakub angkana, “Anakku ngaseng ke'nanga. Nasarema' ana' Allata'ala.”

1 PATTOTTORANG 12:22

La'biringi allo-allona nia' tau beru a'gabung mae ri Daud, sa'genna a'jari sanna'mi jaina pasukanna Daud.

1 PATTOTTORANG 21:27

Nasuromi Batara anjo malaekaka untu' amparibanoai ammotere' pa'danna. Nagaukammi anjo malaekaka anjo Naparentakanga Batara.

1 PATTOTTORANG 21:30

Mingka tenamo nabarani Daud mange anjoreng untu' a'bicara siagang Allata'ala, lanri mallaki ri pa'dang malaeka'Na Batara.

KALAPPASSANG 23:23

La'lampa rioloi malaekakKu ri dallekannu siagang naerangko mange ri pa'rasanganna tu Amori, Het, Feris, Kanaan, Hewi siagang Yebus, siagang laKuancuru' ngasengi ke'nanga.

DANIEL 10:5

Acconga' nania' kucini' sitau ammake pakeang lenang siagang passikko' aya' bulaeng ti'no'.

DANIEL 8:3

nampa ri birinna anjo binangaya nia' kucini' sikayu gimbala' laki, la'bu tanru'na, naia se'rea la'buangngangi natanru' se'rea siagang la'bi berui.

ZAKHARIA 1:8

kuciniki malaeka'Na Batara a'dongko' sikayu jarang eja. Ammantangi ri se'reang ka'bung lappara' ri alla'na poko'-poko' kayu mura'. Ri bokona nia' pirangkayu are jarang maraengannaya ammenteng, nia' eja tanja'na, nia' lango-lango siagang nia' todong kebo'.

PAMMILANGNGANG 22:23

Nacini'na nia' malaeka' ammenteng anjoreng anna'gala' pa'dang ta'bi'bu', ammengkami anjo keledaia, a'bilu' antama ri kokoa. Natunrummi Bileam anjo keledaia nampa naerang ammotere' mange ri aganga.

PAMMILANGNGANG 22:31

Nampa Napa'jarimo Batara akkulle Bileam anciniki anjo malaeka'Na Batara niaka ammenteng anjoreng anna'gala' pa'dang ta'bi'bu'. Su'ju'mi linta' Bileam naung ri buttaya nampa anynyomba.

LAMPA-LAMPANA 1:10

Lalang accongana ke'nanga nai' ri langika, ri wattunna ta'angka' Isa nai' ri suruga, ti'ring nia'mo rua tau ammakeang kebo', ammenteng ri ampi'na ke'nanga.

YOSUA 6:2

Nakanamo Batara ri Yosua, “Kamma-kamma anne Kupassareangi mae ri kau anjo Yerikho siagang karaenna kammayatompa sikontu tantara baranina.

PAPPICINI' 1:13

Ri tangnga-tangngana anjo sikamma bangkeng-bangkeng lampua nia' sitau ammenteng a'rupa taua nicini' tanja'Na. Ammakei juba turunga sa'genna naung ri bangkenNa. Na barambanNa ammakei passikko' bulaeng.

HAKING-HAKING 13:11

Akkaro-karomi Manoah ampinawangi bainenna. Nareppesimi anjo taua na nakuta'nang angkana, “Ikatteka angngerangi anjo kabaraka mae ri bainengku?” Appialimi anjo malaekaka angkana, “Kammatojengi.”

HAKING-HAKING 13:22

Nakanamo Manoah ri bainenna, “Ma'nassa lamateki' nasaba' le'baki nicini' Allata'ala!”