YOSUA 5:1 - KITTA' MATANGKASA'

¹ Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.

YOSUA 5:1 Iomraidhean Croise

PA'JARIANG 12:6

najappaimi Abram sikontu anjo pa'rasanganga sa'genna battu ri poko' kayu karama' ri More, iamintu tampa' panynyombanga ri Sikhem. (Anjo wattua nia' iji tu Kanaan ammantang ri anjo pa'rasanganga.)

PA'JARIANG 48:22

Ri kaumi, teai ri sikamma sari'battannu kupassareang Sikhem, anjo daera coppong le'baka kurampasa' battu ri tu Amori siagang pa'dang na panaku.”

2 SAMUEL 21:2

(Anjo tu Gibeon teai tu Israel; anjo ke'nanga golongang ca'di lalang ri tu Amori. Le'baki a'janji tu Israel angkanaya lanala'langngi ke'nanga, mingka Saul eroki naputta ke'nanga lanri nanawa-nawana kaparalluanna tu Israel siagang tu Yehuda.) Nampa nakio'mo Daud anjo tu Gibeon,

1 KARAENG-KARAENG 10:5

cara-carana pagawena anjama-jama ri balla' kakaraenganga, pakeang sirupana ke'nanga, kammayatompa pa'ballakanna ke'nanga. Naciniki kanrea siagang je'ne' inung nipatalaya, cara-carana palayanga allayani ri passua'-suarranga, siagang koro'bang-koro'bang nipassareanga ri Salomo lalang ri Balla'Na Batara. Yangasenna anjo napakalannasa'mi siagang takkonta'mi nyawana anjo karaeng bainea battua ri pa'rasangang Syeba anciniki.

EZRA 9:1

Ri le'ba'namo nigaukang ngaseng sikammaya anjo, nia'mo siapa are tutoa-toana bansa Israel battu mae ri nakke. Napauanga' ke'nanga angkanaya ra'ya' Israel, kammayatompa sikamma imanga, siagang sikamma tu Lewia, tena nanasa'laki kalenna ke'nanga battu ri bansa-bansa maraeng niaka a'reppese' anjoreng, iamintu bansa Amon, Moab, Mesir, Kanaan, Het, Feris, Yebus siagang Amori. Ba'lalo manna sikamma imanga siagang tu Lewia appakamma ngaseng tongi. Nagaukang ngaseng tongi ke'nanga panggaukang-panggaukang sannaka ja'dala'na, ia nagaukanga anjo bansa-bansa maraenga.

PAMMUJI 135:11

Sihon karaeng Amori siagang Og karaeng Basan, kammayatompa sikontu karaenga ri Kanaan.

KALAPPASSANG 23:28

LaKukaco ngasengi sikamma musunnu; bansa Hewi, Kanaan, siagang Het laKubongkai battu ri dallekannu sollannu akkulle maju.

YESAYA 41:5

Pandudu'na pa'rasangang bellaya naciniki apa Kugaukanga. Ta'bangkai siagang annekkereki ke'nanga lanri malla', nampa a'rappungang na battu mae.

YEHEZKIEL 16:3

Batara Kaminang Tinggia nasuroa' ampabattui anne pasanga mae ri Yerusalem, angkana, “He Yerusalem, ikau lassukko ri butta Kanaan. Manggenu tu Amori siagang amma'nu tu Het.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

YOSUA 17:12

Mingka takkulleai suku Manasye ambongkai pandudu'na anjo kotaya; iaminjo saba'na nammantang ija tu Kanaan anjoreng.

YOSUA 17:18

Allemi daera pa'monconganga, nasaba' manna naromang ija anjo daeraya, mingka akkullei nusungke anjo daeraya nampa nupisakai ngaseng. Nampa ri passala'na anjo tu Kanaan, akkullei nubongka ke'nanga, manna pole nakassa' ke'nanga siagang jai kareta bassi pa'bundukanna.”

YOSUA 24:15

Ebara' angkana taerokako anynyomba mae ri Batara, pilei memammi anne alloa, angkana inai lanusomba: rewata-rewata nasombaya boe-boenu riolo ri Mesopotamia yareka rewata-rewatana tu Amori nupammantangngia pa'rasanganna kamma-kamma anne. Mingka ikambe, iamintu inakke siagang sikontu kaluargaku, Batara bawang lakusomba.”

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

HAKING-HAKING 1:1

Ri matenamo Yosua, akkuta'nammi umma' Israel ri Batara angkana, “Batara, suku kereangami musti appakkaramula a'lampa mange ambunduki tu Kanaan?”

HAKING-HAKING 11:23

Jari Batara, Allata'alana Israel, iaminjo ambongkai tu Amoria untu' kaparalluanna umma'Na Batara.

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

HAKING-HAKING 4:2

Jari nibalang parekkammi ke'nanga ri Batara, na nibeta ri Yabin, iamintu karaeng Kanaan, ammantanga ri kota Hazor. Ia panglimana ke'nanga niarengi Sisera, ammantanga ri Haroset-Hagoyim.

1 SAMUEL 25:37

Ammukona bari'basa', ri tenanamo nasa'ringi Nabal, nipauammi ri bainenna sikamma anjo kaja'dallanga. Nampa anggappamo garring silalonna Nabal nampa a'jari lamma ngasemmo sikontu batangkalenna.