YOSUA 4:19 - KITTA' MATANGKASA'

¹⁹ Tanggala' sampulo bulang makase're nabattu umma' Israel ri ba'leanna Binanga Yordan. Nampa akkema ke'nanga ri Gilgal, irayanganna Yerikho.

YOSUA 4:19 Iomraidhean Croise

2 KARAENG-KARAENG 2:1

Narapi'mi wattunna ero' Batara angngangkaki Elia nai' ri suruga lalang ri anging barubua. Anjo wattua a'lampami Elia siagang Elisa battu ri Gilgal,

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

PAOLE 1:3

Ri tanggala' se're bulang sampulo asse're lalang taung makapatampulona le'ba'na nabokoi ke'nanga butta Mesir, napabattumi Musa mae ri anjo bansaya sikontu apa Nasuro pabattua Batara mae ri ke'nanga.

PAOLE 11:30

Anjo ruaya moncong niaki ri laukanna Binanga Yordan ri daerana tu Kanaan ammantanga ri Ka'bung Yordan, a'dalle' kalau' tena nabella battu ri poko'-poko' tampa' ibadaya ri More ri ampi'na kota Gilgal.)

YOSUA 10:43

Le'baki anjo ammotere'mi Yosua siagang tantarana mange ri pakkemaanga ri Gilgal.

YOSUA 10:6

Nakirimmi tu Gibeon anne kabaraka mange ri Yosua ri pakkemaang Gilgal, angkana, “Teaki' balang parekangi kale-kalenna ikambe karaeng! Battu maki' linta' ambantui ikambe, nasaba' asse'remi tantara battua ri sikontu karaeng Amori ri daera pa'monconganga untu' angngewai ikambe!”

YOSUA 15:7

nampa tulusu' mange ri Ka'bung Kasusaang sa'genna battu mange ri Debir, nampa a'lekko pole wara' a'lampa mange ri Gilgal ri tampa' assidallekanga siagang pungku'-pungku'na monconga ri Adumim ri bageang timboranna anjo ka'bunga. Battu anjoreng tulusuki pole mange ri timbuseng je'ne' En-Semes, nampa mange ri En-Rogel,

YOSUA 24:11

Nampa a'limbangko ri Binanga Yordan, nubattu mange ri Yerikho. Nibundukiko ri tu Yerikho, kammayatompa ri tu Amori, ri tu Feris, ri tu Kanaan, ri tu Het, ri tu Girgasi, ri tu Hewi siagang ri tu Yebus. Mingka Kusareko pammetang mae ri yangasenna anjo ke'nanga.

YOSUA 4:18

Ia battuna ngaseng anjo sikamma imanga ri birinna binangaya, appakkaramulami a'lo'loro' ammotere' siagang allumpa kamma riolo je'ne'na anjo binangaya.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.

YOSUA 5:9

Nakana Batara mae ri Yosua, “Anne alloa le'ba'mi Kupa'lanynya' katunaannu ngaseng salaku ata-ata ri Mesir.” Iaminjo naniareng anjo tampaka Gilgal, battuanna nipa'lanynya', sa'genna kamma-kamma anne.

YOSUA 9:6

Kammaminjo kaadaanna ke'nanga na'lampa mange ri Yosua niaka ri pakkemaang ri Gilgal. Nampa nakana ke'nanga mae ri Yosua siagang tu Israel, “Ikambe anne battui ri pa'rasangang bellaya, ero' appare' parjanjiang siagang ikatte ngaseng karaeng.”

1 SAMUEL 10:8

Le'baki anjo musti a'lampako mange ri Gilgal nuttayang anjoreng tuju allo. Sallang labattua' untu' assare koro'bang nitunu siagang koro'bang pappasiama', nampa kupauangko apa musti lanugaukang.”

1 SAMUEL 15:33

Nakanamo Samuel, “Sangkamma pa'dannu le'baki a'jari passabakkang najai amma' tappela' ana'na, kamma tomminjo amma'nu latappela'mi ana'na.” Nampa naalle nacancang Samuel anjo Agag ri dallekanna tampa' pakkoro'bangngang ri Gilgal.