YOSUA 4:12 - KITTA' MATANGKASA'

¹² Situru' siagang apa naparentakanga Musa, nipariolomi a'limbang tantarana suku Ruben, Gad siagang bageruanna suku Manasye.

YOSUA 4:12 Iomraidhean Croise

KALAPPASSANG 13:18

Lanri kammana anjo Naerammi Allata'ala ke'nanga allalo ri oloang akkaluka ri parang lompoa mange ri Tamparang Alara'. Ri wattunna nabokoi Mesir, sikamma tu bura'ne Israel angngerangi sanjata kamma tau la'bunduka.

PAMMILANGNGANG 32:17

Nampa apparuru ikambe untu' maju linta' mange a'bundu' siagang sari'battanna ikambe. Ikambe lampimpingi anjo pa'bundukanga siagang langngerangi ke'nanga antama' ri pa'rasangang lanapatanga ke'nanga. Lalanna anjo wattua akkullemi ammantang ana'-ana'na siagang sikamma tubai'-bainena ikambe anrinni, ri kota-kota nitemboka ri tammulilina, amangi battu ri bundu'na panduduka anrinni.

PAOLE 3:18

Anjo memang wattua kusaremi ke'nanga parenta kammaya anne: Nasareko Karaeng Allata'alanu daera rayanganna Binanga Yordan untu' a'jari pammantangngannu. Mingka sikontu tantaranu musti angngerangi sanjata nampa a'limbang ri Binanga Yordan ri dallekanna suku-suku Israel maraenga.

PAOLE 33:21

Naallei butta kaminang bajika untu' nakammai, bageanna pimpinanga nipassareang mae ri ke'nanga. Naturuki hukkunNa Batara, kammayatompa sikontu parentaNa, ri wattunna sirapakkang sikontu pamimpinna Israel.”

YOSUA 1:14

Sikontu ana'nu, bainennu, siagang olo'-olo'nu akkullei ammantang anrinni, mingka sikontu tantaranu musti sadiai untu' a'bundu' a'jappa riolo ri dallekanna tu Israel maraengannaya a'limbang ri Binanga Yordan.

YOSUA 4:11

Ri wattunna battu ngasemmo ke'nanga anta'leang, nabule'mi sikamma imanga anjo Patti Parjanjianga a'jappa ri dallekanna ke'nanga.

YOSUA 4:13

Yangasenna niaki 40.000 tu bura'ne angngerang ngaseng sanjata siagang sadiaya untu' a'bundu'. Ri dallekanNa Batara, alimbangi ke'nanga nampa mange ri lappara' rawaya ri ampi'na Yerikho.