YOSUA 3:16 - KITTA' MATANGKASA'

^16-17 ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

YOSUA 3:16 Iomraidhean Croise

PA'JARIANG 14:3

Anjo limaya karaenga a'jari agangi siagang napasse'rei tantarana ke'nanga ri Lappara'na Sidim, ia niarenga kamma-kamma anne Tamparang Mate.

1 KARAENG-KARAENG 7:46

Yangasenna anjo barang-baranga nasuro pareki karaenga anjoreng ri tampa' papparekanna ri Lappara' Yordan, niaka ri alla'na Sukot siagang Sartan.

PAMMUJI 114:3

Niciniki ri Tamparang Alara' nampa a'lampa, ammari Binanga Yordan a'lo'loro'.

PAMMUJI 114:5

Apa kutadeng, he tamparang, nanulari, siagang Binanga Yordan nummari a'lo'loro'?

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

PAMMUJI 33:7

Sikontu je'ne' tamparanga Napasse'rei ri se'reang tampa', tamparang lompoa Natahangi lalang se're pannahangngang je'ne'.

PAMMUJI 66:6

Napinrai tamparanga a'jari butta kalotoro', nalimbangngi boe-boena ikambe a'jappa bangkeng. Na marannumo ikambe lanri panggaukanNa.

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

PAMMUJI 77:19

A'gamarrungi gunturuka, akkilaki kilaka, ta'goccangi siagang annekkereki buttaya.

PAMMUJI 78:13

Nabage ruai tamparanga, nampa napalimbang ke'nanga; napaentengi je'neka sangkamma tembo' pammantangngang je'ne'.

KALAPPASSANG 14:21

Nampa napajonjomo limanna Musa ri tompo'na tamparanga, nampa appabattumo Batara anging battu raya ammiri' sanna' kancanna, sa'genna ammunduru'mo je'ne' tamparanga. La'busu' bangngi ammiri' anjo anginga, siagang napinrami anjo tamparanga a'jari butta kalotoro'.

KALAPPASSANG 14:22

Ta'bage ruami je'neka, siagang ri wattunna a'limbang tu Israel ri anjo tamparanga, a'jappami ke'nanga ri butta kalotoroka, nampa anjo je'ne' niaka ri sa'ri kananna siagang kairinna rapangi tembo' ammenteng nai'.

KALAPPASSANG 14:29

Mingka ri wattunna a'limbang tamparang tu Israelka, a'jappai ke'nanga lalang ri butta kalotoro'na tamparanga, siagang je'ne' niaka ri kananna siagang ri kairinna a'jari kammai tembo' nai'.

KALAPPASSANG 15:8

Kituiki tamparanga, ta'gulung tinggi je'neka, ammenteng kassa' rapang tembo', sa'genna akkulle niolo dapara'na tamparanga.

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

YEHEZKIEL 47:8

Nakana ri Nakke, “Anne binangaya a'lo'loro' anraiki ammalo anrinni ri pa'rasanganga siagang ammalo ka'bunna ri Binanga Yordan a'lampa mange ri Tamparang Matea. Punna battu je'ne'na antama ri Tamparang Matea, nasambeimi je'ne' tamparang ce'laya siagang je'ne' la'ba.

NAHUM 1:4

Naga'garaki tamparanga na'jari kalotoro', Napaccappuki je'ne'na sikontu binangaya. Bulu' Karmel siagang sikamma paranga ri Basan a'jari kalotoroki na kalumeng sikamma bungaya ri Libanon.

HABAKUK 3:8

O Batara, maka lanri tamparang kutadeng na nai' larroTa? Maka binanga-binangaya ampakanassuKi'? Kibaei rammanga a'jari jarang siagang kareta bundu', ri wattu Kisarena pammetang ummatTa.

PAMMILANGNGANG 34:3

Ri bageang timboro' anjo pa'baeng-baenga appakkaramulai battu ri parang lompo Zin tulusu' mange ri Edom. Ri bageang iraya anjo pa'baeng-baenga appakkaramulai battu ri cappa' timboro'na Tamparang Matea,

PAOLE 1:1

Ia bonena anne kittaka iamintu kana-kana napabattua Musa mae ri bansa Israel ri wattu nia'na ke'nanga ri parang lompoa ri Ka'bunna Yordan. Anjo ka'bunga irayangannai Binanga Yordan, ri ampi'na kota Suf, nipariallaki ri kota Paran bageang ba'leang siagang kota-kota Tofel, Laban, Hazerot siagang Di-Zahab ri bageang ba'leang se'reanga. (

PAOLE 3:17

Ri bageang ilau', daerana ke'nanga narapiki sa'genna ri Binanga Yordan, battu ri Tamparang Galilea bageang wara' sa'genna ri Tamparang Matea ri bageang timboro', tulusu' sa'genna ri bangkeng Moncong Pisga ri bageang iraya.

YOSUA 12:3

kammayatompa antama' tongi daera Ka'bung Yordan bageang iraya, battu ri Tamparang Galilea a'lampa timboro' sa'genna mange ri Bet-Yesimot (ri rayanganna Tamparang Matea), tulusu' mange ri bangkenna Moncong Pisga.

YOSUA 15:2

appakkaramula battu ri cappa' timboro'na Tamparang Matea,

YOSUA 16:7

Battu ri anjo garisika naungi mange ri Atarot siagang Naharat, nampa tulusu' a'biring ri Yerikho siagang kala'busang ri Binanga Yordan.

YOSUA 3:13

Sinampe' punna anjo imang-imang ambulekai Patti ParjanjianNa Batara napaonjo'mi bangkenna antama' ri je'neka ri Binanga Yordan, ammantammi a'lo'loro' je'ne'na; anjo je'ne' a'lo'loroka ri ulunna anjo binangaya lammantangi ri se're tampa'.”

YOSUA 4:22

pauangi ke'nanga angkanaya a'limbangi umma' Israel ri anne Binanga Yordan irate ri butta kalotoroka.

YOSUA 5:1

Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.

HAKING-HAKING 7:22

Ri wattunna napasa'ra tarompe'na Gideon siagang sikontu taunna, napasibundu'mi siagang Batara anjo tantara musua para ia. Larimi ke'nanga mange ri Zerera sa'genna Bet-Sita na kota Abel-Mehola rampi'na Tabat bellana.