YOSUA 3:1 - KITTA' MATANGKASA'

¹ Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

YOSUA 3:1 Iomraidhean Croise

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

PAMMUJI 119:60

Akkaro-karoma' siagang tenamo kuttayang untu' anggaukangi parentaTa.

YEREMIA 25:3

“Lalang ruampulo antallu taung, appakkaramula battu ri taung makasampulona antallu ammarenta Yosia ana' bura'nena Amon ri Yehuda, sa'genna anne alloa le'ba'mi a'bicara Batara mae ri nakke siagang tale'baka' takkaluppa ampabattui mae ri kau ngaseng apa le'baka Napau. Mingka tena nujampangi.

YEREMIA 26:5

Musti nupilangngeri tongi apa napaua ata-atangKu, sikamma na'bi tenaya ammarina tuli Kusuro battu mae ri kau. Mingka teako ampilangngeri ke'nanga.

YEREMIA 7:13

MangKu pole a'mole-mole a'bicara mae ri kau, mingka taerokako mappilangngeri. Nugaukang ngasengi sikamma anjo dosaya, siagang taerokako appiali punna akkiokKa'.

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

PAMMILANGNGANG 25:1

Lalang ammantanna bansa Israel ri Lappara' Ka'bung Sitim, appakkaramulami tubura'-bura'nena ke'nanga a'gau' bawang siagang tubai'-baine bansa Moab niaka anjoreng.

MARKUS 1:35

Ammukona, ri wattu subuna ija, ambangummi Isa nampa a'lampa ambokoi ballaka. Mangei ri tampa' sino-sinoa ri pantaranganna kotaya. Mangei anjoreng appala' doang.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 6:12

Ammukona ri bari'basa' dudua, ambangummi Yosua, nampa a'barrisi'mi makapinruanna sikamma imanga siagang tantaraya angnginroi anjo kotaya; susunna anjo barisanga sangkammai ri allo makase'rea: uru-uruna barisang pangawala' ri dallekang, nampa tujua patui' tarompe', nipinawang ri imang-imang a'buleka Patti Parjanjiang, nampa kala'busanna iamintu barisang pangawala' bageang ri bokoa. Lalang kammana anjo nipasa'ra turusmi tarompeka.

YOSUA 6:15

Ri makatujuna alloa ambangummi ke'nanga ri wattu beru ammumbana alloa, nampa a'barrisi' angnginroi anjo kota Yerikho sangkamma biasa, mingka anjo alloa sa'genna pintuju nainroi. Iajinjo bawang alloa napintuju nainroi ke'nanga anjo kotaya.

YOSUA 7:16

Ammukona ri bari'basa' dudua, nasuromi Yosua maju umma' Israel mae ri dallekang, tasse're-se're suku, nampa suku Yehudami nataba.

YOSUA 8:10

Ri bari'basa' dudua ambangummi Yosua siagang naparentakammi sollanna asse're pasukanna. Nampa ia siagang sikamma pamimpinna umma' Israel naerammi anjo pasukanga mange ri Ai.

HAKING-HAKING 20:19

Ammukona bari'basa' a'lampami ke'nanga nampa akkema ri ampi'na kota Gibea.

1 SAMUEL 17:20

Ammukona bari'basa', ambangummi Daud nampa apparuru. Gimbala'na nasuro jagai ri se'reang pakalawaki, nampa naalle apa-apa lanaeranga na'lampa situru' naparentakanga manggena. Battui mange ri kemana tu Israel sitabanna ero' a'lampa tu Israel mange a'bundu' ri tampa' pa'bundukanga, a'gora-gora ampakalompoi sumanga'na ke'nanga.