YOSUA 24:2 - KITTA' MATANGKASA'

² Nampa nakana Yosua mae ri ke'nanga, “Pilangngeri anne kananNa Batara, Allata'alana Israel mae ri kau, angkanaya, ‘Riolo dudu, boe-boenu anjorengi ammantang ri ba'leanna Binanga Efrat, siagang anynyombai ri rewata-rewataya. Kalase'renna battu ri ke'nanga iamintu Terah, manggena Abraham siagang Nahor.

YOSUA 24:2 Iomraidhean Croise

PA'JARIANG 11:22

Ri wattunna 30 taung umuru'na Serug, nisaremi ana' bura'ne niareng Nahor.

PA'JARIANG 11:24

Ri wattunna 29 taung umuru'na Nahor, nisaremi ana' bura'ne, niareng Terah.

PA'JARIANG 11:26

Ri wattunna 70 taung umuru'na Terah, nisaremi tallu ana' bura'ne, iamintu: Abram, Nahor, siagang Haran.

PA'JARIANG 11:27

Iaminne sossoranna Terah: Terah iami manggena Abram, Nahor, siagang Haran. Haran nia' ana'na bura'ne, niareng Lot.

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

PA'JARIANG 31:32

Passala' anjo patunga, punna nia' kalase'renna tau anrinni kigappa allukkaki, lanihukkung matei. Kiparessami, apaka nia' barang-baranta anrinni purina. Punna nia', kiallemi ammotere'. Nampa massing taunta akkulle a'jari sa'bi.” Tanaassengai Yakub angkana Rahel allukkaki anjo patunga.

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

PA'JARIANG 35:4

Nampa napassareammo ke'nanga sikamma patung niaka ri ke'nanga mae ri Yakub, iamintu patung rewata tumaraenga. Kammayatompa anting-antinna ke'nanga napassareang ngaseng tommi. Yangasenna anjo barang-barang kammaya nalamungammi Yakub ri rawanganna poko' kayu lompoa ri ampi'na kota Sikhem.

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.

YEHEZKIEL 16:3

Batara Kaminang Tinggia nasuroa' ampabattui anne pasanga mae ri Yerusalem, angkana, “He Yerusalem, ikau lassukko ri butta Kanaan. Manggenu tu Amori siagang amma'nu tu Het.

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

YOSUA 24:15

Ebara' angkana taerokako anynyomba mae ri Batara, pilei memammi anne alloa, angkana inai lanusomba: rewata-rewata nasombaya boe-boenu riolo ri Mesopotamia yareka rewata-rewatana tu Amori nupammantangngia pa'rasanganna kamma-kamma anne. Mingka ikambe, iamintu inakke siagang sikontu kaluargaku, Batara bawang lakusomba.”