YOSUA 24:11 - KITTA' MATANGKASA'

¹¹ Nampa a'limbangko ri Binanga Yordan, nubattu mange ri Yerikho. Nibundukiko ri tu Yerikho, kammayatompa ri tu Amori, ri tu Feris, ri tu Kanaan, ri tu Het, ri tu Girgasi, ri tu Hewi siagang ri tu Yebus. Mingka Kusareko pammetang mae ri yangasenna anjo ke'nanga.

YOSUA 24:11 Iomraidhean Croise

PA'JARIANG 15:19

kammayatompa butta Keni, Kenas, Kadmon,

PAMMUJI 105:44

Buttana bansa-bansaya Nasareangi ke'nanga, koko-kokonna ke'nanga Napa'jari umma'Na pata,

PAMMUJI 114:3

Niciniki ri Tamparang Alara' nampa a'lampa, ammari Binanga Yordan a'lo'loro'.

PAMMUJI 114:5

Apa kutadeng, he tamparang, nanulari, siagang Binanga Yordan nummari a'lo'loro'?

KALAPPASSANG 13:5

A'janjimi siagang assumpami Batara mae ri boe-boenu untu' laNapassareang mae ri kau pa'rasanganna bansa Kanaan, Het, Amori, Hewi, siagang Yebus. Punna Naerang mako Batara mange anjoreng ri anjo pa'rasangang akkalumanynyanga siagang copponga, tunggala' taung lalang bulang Abib, musti nugaukangi anne pa'gaukang kammaya.

KALAPPASSANG 23:23

La'lampa rioloi malaekakKu ri dallekannu siagang naerangko mange ri pa'rasanganna tu Amori, Het, Feris, Kanaan, Hewi siagang Yebus, siagang laKuancuru' ngasengi ke'nanga.

KALAPPASSANG 23:28

LaKukaco ngasengi sikamma musunnu; bansa Hewi, Kanaan, siagang Het laKubongkai battu ri dallekannu sollannu akkulle maju.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

KALAPPASSANG 33:2

Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

LAMPA-LAMPANA 13:19

Tuju bansa maraeng nabeta Nabunduki ri butta Kanaan. Nampa Nabage-bage Allata'ala anjo butta Kanaan mange ri bansa Israel, sollanna nakammai anjo buttaya.

LAMPA-LAMPANA 7:45

Nampa naerang boe-boeta siagang Yosua anjo pa'balla'-ballakanNa Allata'ala ri wattunna a'lampa ke'nanga ambunduki nampa naalle ke'nanga anne pa'rasanganga battu ri kakoasanna bansa-bansa nibongkaya ri Allata'ala battu ri dallekanna ke'nanga. Niaki anjoreng anjo pa'balla'-ballakanNa Allata'ala sa'genna jammang pamarentahanna Daud.

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.

YOSUA 4:1

Ri nia'na ngasemmo anjo bansaya ba'leang, Nakanamo Batara ri Yosua,

YOSUA 4:19

Tanggala' sampulo bulang makase're nabattu umma' Israel ri ba'leanna Binanga Yordan. Nampa akkema ke'nanga ri Gilgal, irayanganna Yerikho.

YOSUA 4:23

Caritakangi ke'nanga angkanaya Karaeng Allata'alanu ampa'jari kalotoroki je'ne'na anjo Binanga Yordan untu' ikau ngaseng sa'gennu akkulle a'limbang ngaseng anta'leang, sangkamma Napa'jari kalotoro'na Tamparang Alara' untu' ikambe,

YOSUA 9:2

Sikontu anjo karaenga assikongkolo'mi siagang napasse'remi kalenna untu' ambunduki Yosua siagang umma' Israel.