YOSUA 23:9 - KITTA' MATANGKASA'

⁹ Le'ba'mi Nabongka Batara bansa-bansa lompoa siagang kassaka untu' ikau ngaseng; tena manna sitau battu ri ke'nanga akkulle attahang angngewako.

YOSUA 23:9 Iomraidhean Croise

1 KARAENG-KARAENG 21:26

Ahab nagaukangi dosa-dosa sannaka hinana: anynyombai barhala sangkamma nagaukanga tu Amori, iamintu tau le'baka nibongka ri Batara assulu' battu ri pa'rasangang Kanaan ri wattunna napantamakki Israel anjo pa'rasanganga.

2 PATTOTTORANG 20:7

IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.

KALAPPASSANG 23:23

La'lampa rioloi malaekakKu ri dallekannu siagang naerangko mange ri pa'rasanganna tu Amori, Het, Feris, Kanaan, Hewi siagang Yebus, siagang laKuancuru' ngasengi ke'nanga.

KALAPPASSANG 23:30

LaKubongka tassike'de'-ke'deki ke'nanga, sa'genna angganna'mo jainu untu' angkoasai anjo buttaya.

LAMPA-LAMPANA 7:45

Nampa naerang boe-boeta siagang Yosua anjo pa'balla'-ballakanNa Allata'ala ri wattunna a'lampa ke'nanga ambunduki nampa naalle ke'nanga anne pa'rasanganga battu ri kakoasanna bansa-bansa nibongkaya ri Allata'ala battu ri dallekanna ke'nanga. Niaki anjoreng anjo pa'balla'-ballakanNa Allata'ala sa'genna jammang pamarentahanna Daud.

PAOLE 11:23

Na Batara lambongkai anjo sikontu bansaya battu ri dallekannu, siagang kau lampammantangngi buttana bansa-bansa lompoangnganga siagang kassakangnganga naikau.

PAOLE 7:24

LaNapassareangi sikamma karaenna ke'nanga mae ri kau. Lanubunoi ke'nanga, nampa nikaluppaimo arenna ke'nanga. Tena manna sitau akkulle attahang andallekangko; anjo ke'nanga lanuancuru' ngasengi.

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 15:14

Ia jari-jarina Enak iamintu Sesai, Ahiman, siagang Talmai. Nabongka ngasemmi Kaleb anjo ke'nanga battu ri Hebron.

YOSUA 23:5

Karaeng Allata'alanu lampamono' bokoi anjo bansa-bansaya, siagang lari battu ri dallekannu punna a'lampako mange ambunduki ke'nanga. Lanupisakai pa'rasanganna ke'nanga, sangkamma le'baka Napa'janjiang Karaeng Allata'alanu mae ri kau.

YOSUA 23:8

Ba'lalo musti tuli tamamminrayai pa'mai'nu mae ri Batara, sangkamma le'bakamo nugaukang sa'genna kamma-kamma anne.

YOSUA 24:18

Na ri wattunna nipantamakki anne pa'rasanganga, Nabongka ngasengi Batara sikontu tu Amori niaka ammantang anrinni. Jari, eroki ikambe anynyomba mae ri Batara, nasaba' Iami Allata'alata.”