YOSUA 23:1 - KITTA' MATANGKASA'

¹ Salloi ri le'ba'na anjo Nasaremi Batara anjo umma' Israel kaamangngang; tenamo nanisusai ke'nanga ri pa'garatta'na musua. Anjo wattua toa sikalimi Yosua.

YOSUA 23:1 Iomraidhean Croise

1 KARAENG-KARAENG 1:1

Kamma-kamma anne toa sikalimi Karaeng Daud. Manna pole nikalimbuki kalimbu' kapala', tuli dingingiji nasa'ring.

1 PATTOTTORANG 23:25

Nakanamo Daud, “Nasaremi Karaeng Allata'ala kasannangang umma'Na, siagang KalenNa nia'ki ammantang ri Yerusalem sa'genna satunggu-tungguna.

1 PATTOTTORANG 27:1

Urusang pamarentahanna kakaraengang Israel niatoroki ri kapala-kapala kaluargaya, pamimping-pamimping pa'rappungang passibijanga, siagang perwira-perwiraya. Massing-massing taung, lalang sibulang sallona, nia' se're pa'rappungang nisare tugasa' a'le'basa' tasse'rei pa'rappungang nipimping ri se'reang kapala. Massing-massing pa'rappungang nia' 24.000 jaina tau. Iaminne areng-arenna kapala pa'rappungang tugasaka untu' massing-massing bulang: Bulang makase're: Yasobam ana'na Zabdiel (ia anggota battu ri pa'rappungang bija Peres suku Yehuda). Bulang makarua: Dodai, turunganna Ahohi. Miklot iami a'jari wakkele'na. Bulang makatallu: Benaya ana'na Imang Yoyada; iami pamimping “Tallumpuloa Komandang” (Amizabad ana'na a'jari wakkele'na). Bulang makaappa': Asael sari'battanna Yoab (sambenna iamintu Zebaja, ana'na). Bulang makalima: Samhut, turunganna Yizrah. Bulang makaannang: Ira ana'na Ikes, battu ri Tekoa. Bulang makatuju: Heles, turunganna Efraim battu ri kota Peloni Bulang makasagantuju: Sibkhai battu ri kota Husa (ia anggota bijanna Zerah, suku Yehuda). Bulang makasalapang: Abiezer battu ri kota Anatot ri daera suku Benyamin. Bulang makasampulo: Maharai, turunganna Zerah battu ri kota Netofa. Bulang makasampulo asse're: Benaya battu ri kota Piraton ri daera suku Efraim. Bulang makasampulo anrua: Heldai turunganna Otniel battu ri kota Netofa.

2 PATTOTTORANG 14:1

Matenamo Karaeng Abia siagang le'ba'namo nitarawang ri pa'jerakkanna sikamma karaenga ri Kota Daud, nisambeammi ri ana' bura'nena niarenga Asa. Lalang ammarentana Asa, amangi pa'rasangang Yehuda sampulo taung.

2 PATTOTTORANG 14:5

Sikontu tampa' panynyombanga mae ri barhalaya siagang tampa' pattunuang dupaya napakabella kabusuki battu ri kota-kotana Yehuda. Na'jari sannammo anjo kakaraenganga irawangang pamarentahanna,

2 PATTOTTORANG 20:30

Iami anjo saba'na nakkullemo ammarenta Yosafat siagang amang, siagang nisaremi kasannangngang ri Batara sikontu pa'rasanganga.

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

YESAYA 63:14

Naerangi Batara ke'nanga mae ri tampa' pammantangnganga, rapang olo'-olo' piara niemba mange ri paranga untu' a'ruku'. Kammaminjo bateNa anrurungangi umma'Na, sollanna nipakala'biri' arenNa.

PAOLE 31:2

angkana, “Kamma-kamma anne sibilangngammi anruampulo taung umurukku siagang tenamo nakukkulle a'jari pamimping mae ri kau ngaseng. Pantaranganna anjo, le'ba'mi pole Nakana Batara mae ri nakke angkanaya takkullea' allimbangi Binanga Yordan.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

YOSUA 13:1

Kamma-kamma anne toa sikalimi Yosua. Nakanamo Batara ri Yosua, “Toa mako Yosua! Mingka jai iji daera musti nualle:

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

1 SAMUEL 12:2

Appakkaramula ri kamma-kammaya anne iami a'jari pamimpinnu. Ciniki, inakke anne toama' siagang kebo'mi uukku. Sallo sikalima' a'jari pamimping mae ri kau ngaseng – battu ri rungkaku iji sa'genna kamma-kamma anne.