YOSUA 22:6 - KITTA' MATANGKASA'

^6-9 Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)

YOSUA 22:6 Iomraidhean Croise

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

PA'JARIANG 47:10

Le'baki anjo appala' kanami Yakub nampa assare barakka' passibokoi.

PA'JARIANG 47:7

Napappiassengang tommi Yusuf anjo manggena mae ri karaenga. Nabarakkakimi Yakub anjo karaenga.

2 SAMUEL 6:18

Nampa Nabarakkaki sikontu ra'ya' Israel lalang arenNa Batara Kaminang Koasaya.

2 SAMUEL 6:19

Nampa nabage-bagei ke'nanga kanre. Tunggala' tau niaka anjoreng baji' bura'ne kammayatompa bai'-bainea massing nasarei sikere' dageng nilangga, roti siagang kanrejawa kismis. Le'baki anjo massing ammotere' ngasemmi ke'nanga mange ri balla'na.

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

1 KARAENG-KARAENG 8:66

Ri allo makasagantujuna, nasuromi Salomo taua ammotere'. Yangasenna ke'nanga mammujimi ri ia, nampa ammotere' mange ri balla'na ke'nanga siagang rannu pa'mai', lanri yangasenna anjo barakka' Napassareanga Batara mae ri atanNa Daud siagang mae ri umma'Na bansa Israel.

2 PATTOTTORANG 30:18

Pantaranganna anjo, jai tongi tau battu ri Efraim, Manasye, Isakhar, siagang Zebulon na tenapa natangkasi la'bi rioloi kalenna ke'nanga. Jari, tenapa nasiratang ke'nanga amminawang ansuarri anjo Allo Paskaya. Lanri kammana anjo napappala' doangammi Karaeng Hizkia ke'nanga angkana,

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

LUKAS 24:50

Le'baki anjo, nirurungammi ke'nanga ri Isa assulu' ri pantaranganna kotaya, sa'genna mange ri Betania bellana. Battui mange anjoreng, Naangka'mi limanNa Isa, nampa Nabarakkaki ke'nanga.

YOSUA 14:13

Jari nabarakkakimi Yosua anjo Kaleb ana'na Yefune, nampa napassareang mae ri ia kota Hebron a'jari butta pisakana.

YOSUA 24:28

Kala'busanna nasuromi Yosua ammotere' ngaseng anjo taua; nampa ammotere' ngasemmo ke'nanga, massing mange ri buttana.

1 SAMUEL 10:25

Nampa napakasingara' Samuel mae ri anjo bansaya antekamma ha'na siagang kawajibanna karaenga, nampa natulisi' lalang ri se'reang kitta', nampa naboli' ri tampa' matangkasaka. Le'baki anjo nasuromi Samuel anjo sikontu bansaya massing ammotere' mange ri balla'na.

1 SAMUEL 13:2

ammilemi 3.000 tu Israel. 2.000 ammantang siagang ia ri Mikhmas siagang ri daera pa'moncongang Betel, siagang 1.000 maraengannaya a'lampai siagang Yonatan ana'na bura'nea mange ri Gibea ri daera suku Benyamin. La'binnaya battu ri anjo ra'yaka, nasuromi ammotere' massing mae ri balla'na.

1 SAMUEL 2:20

Nabarakkakimi Eli anjo Elkana siagang bainenna, na nakana ri Elkana, “Tapporo Nasare laloko pole ana'-ana' battu ri anne bainennu, untu' a'jari sambe ri ana' nupassareanga mae ri Batara.” Le'baki anjo ammotere'mi ke'nanga mange ri Rama.