YOSUA 22:4 - KITTA' MATANGKASA'

⁴ Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

YOSUA 22:4 Iomraidhean Croise

1 PATTOTTORANG 22:18

Nakana, “Le'ba' mako Natulung Karaeng Allata'alanu, siagang Nasareko kasiamakkang kammayatompa kasannangngang ri sikontu pa'rasangang. Nasarema' pakkulle untu' ambetai sikontu bansa niaka riolo ammantang ri anne pa'rasanganga. Kamma-kamma anne tundu'mi ke'nanga ri kau siagang mae ri Batara.

KALAPPASSANG 33:14

Nakanamo Batara, “LaKujagaiko sollanna akkulle nupatang butta le'baka Kupa'janjiang.”

PAMMILANGNGANG 32:18

Tena nalammotere' ikambe mae ri balla'na ikambe punna tenapa nanggappa ngaseng tu Israel butta untu' lanapisakai.

PAOLE 12:9

nasaba' tenapa nuntama' ri pa'rasangang Napassareanga Karaeng Allata'alanu mae ri kau, iamintu tampa' akkullea nupammantangngi siagang amang situlina.

PAOLE 29:8

Niallei buttana ke'nanga nampa nibage mae ri suku Ruben siagang Gad, kammayatompa sipa'gang suku Manasye.

PAOLE 3:20

Bantui julu bansanu sa'genna napammantangngi ke'nanga butta laNapassareanga Karaeng Allata'alanu mae ri ke'nanga ri laukanna Binanga Yordan; kammayatompa sa'genna nisare pangngellai ke'nanga attallasa' siagang amang anjoreng, sangkamma Nagaukanga Batara anrinni mae ri kau. Le'bappi anjo kammaya nampako akkulle ammotere' mae ri butta le'baka kupassareang mae ri kau.

IBRANI 4:8

Punna ebara' angkana le'ba'mi naerang Yosua anjo taua antama' ri tampa' pammari-mariang Napa'janjianga Allata'ala, tenamo Nala'bicara pole Allata'ala ri passala' se'reang allo maraeng.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 12:6

Iaminjo rua karaeng nibetaya ri Musa siagang bansa Israel. Buttana anjo karaeng-karaenga nipassareangi ri Musa, atanNa Batara, mae ri suku Ruben, suku Gad siagang bageruanna suku Manasye, untu' a'jari butta pisakana ke'nanga.

YOSUA 13:15

Siapa are bageang battu ri butta Napa'janjianga Batara mae ri umma' Israel le'ba'mi napassareang Musa mae ri kaluarga-kaluarga niaka lalang ri suku Ruben, untu' a'jari butta pisakana ke'nanga.

YOSUA 13:8

Suku Ruben siagang suku Gad kammayatompa bageruanna suku Manasye, le'ba'mi annarima bageang butta battu ri Musa, anjo atanNa Batara; iamintu butta niaka irayanganna Binanga Yordan.

YOSUA 22:3

Anne siapa sallona tale'bakai nubalang parekang sikamma sari'battannu, iamintu tu Israel maraenganga, a'bundu' kalenna. Le'ba'mi nuturuki parenta-parentaNa Karaeng Allata'alanu siagang pa'mai' attojeng-tojeng.