YOSUA 22:11 - KITTA' MATANGKASA'

^11-12 Nalangngere'mi tu Israel maraenga akkana julu bansana, “Le'ba'mi suku Ruben, Gad, siagang Manasye bageang irayaya ambangung se're tampa' pakkoro'bangngang ri Gelilot ri ampi'na Binanga Yordan lalang daerata.” Jari asse'remi ke'nanga ri Silo, ero' ambunduki suku-suku Israel ammantanga ri bageang rayanganna anjo Binanga Yordan.

YOSUA 22:11 Iomraidhean Croise

YOHANES 1:28

Yangasenna anne anjorengi ri Betania kajariang, iamintu biring rayana Binanga Yordan siagang ri tampa'na Yohanes anje'neki taua.

YOHANES 20:1

Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.

YOHANES 20:12

Apaji nania'mo nacini' rua malaeka' ammakeang kebo'. Ammempoi anjo ruaya malaeka' ri bate pammantanganna maya'Na Isa, se're ri tuju ulunNa, nase're ri tuju bangkenNa.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

YOSUA 2:7

Jari a'lampami anjo tau nasuroa karaenga ambokoi kotaya. Ri wattunna pantara'mo ke'nanga, nike'bu'mi pakke'bu' lompona kotaya. Naboyami ke'nanga anjo ruaya mata-mata sa'genna ri tampa' pa'limbangnganga ri Binanga Yordan.

YOSUA 22:10

Ri wattunna battu suku Ruben, suku Gad siagang suku Manasye bageang irayaya mange ri Gelilot – bageang lau'na iji Binanga Yordan – ambangummi ke'nanga se're tampa' pakkoro'bangngang lompo siagang gammara' ri ampi'na binangaya.

YOSUA 22:16

Nampa lalang arenna sikontu umma'Na Batara, nakanamo ke'nanga mae ri suku Ruben, suku Gad siagang suku Manasye rayaya ri Gilead, “Angngapa nugaukangi anne panggaukang ja'dala' kammaya mae ri Allata'alana Israel? Lanri nubangunna anne tampa' pakkoro'bangngang kalennu, nuewami Batara! Tenamo nanuturuki parenta-parentaNa!

YOSUA 22:19

Punna ra'masa' anjo daeranu siagang tena nasiratang nipa'jari tampa' ibada mae ri Batara, a'lette' mako mae anrinni, ri daeraNa Batara, ri tampa' niaka KemaNa Batara. Palaki sipa'gang daerana ikambe, mingka teako angngewai mae ri Batara yareka teako ewai ikambe lanri nutambaina tampa' pakkoro'bangnganga nampa nia'mo tampa' pakkoro'bangnganNa Karaeng Allata'alata.

HAKING-HAKING 12:5

Anjo tu Gilead lalang a'bunduka, naempoimi tampa'-tampa' pa'limbanganga ri Binanga Yordan, sollanna akkulle naruppai tu Efraim eroka lari. Ri wattunna nia' se're tu Efraim ero' lari, appala' paramisimi untu' a'limbang. Akkuta'nammi tu Gileadka ri ia angkana, “Apaka tu Efraimko?” Punna appiali angkana “Teai”,