YOSUA 21:9 - KITTA' MATANGKASA'

^9-19 Battu ri golongang Kehat lalang ri suku Lewi, imang-imang jari-jarina Harun uru-uru antarimai kota-kotana; nisarei ke'nanga sampulo antallu kota siagang butta paranna. Battu ri suku Yehuda siagang suku Simeon, annarimai ke'nanga salapang kota, iamintu: Libna, Yatir, Estemoa, Holon, Debir, Ain, Yuta, Bet-Semes siagang Arba, nisarea areng situru' arenna manggena Enak. Anjo kotaya, iamintu niarenga kamma-kamma anne Hebron, iamintu se're kota palariang ri daera pa'monconganna suku Yehuda. Sikamma kokoa siagang desa-desana anne kotaya le'ba'mi nipassareang mae ri Kaleb ana'na Yefune, untu' a'jari butta pisakana. Battu ri suku Benyamin annarimai ke'nanga appa' kota, iamintu: Gibeon, Geba, Anatot, siagang Almon.

YOSUA 21:9 Iomraidhean Croise

1 PATTOTTORANG 6:39

Asaf iami pamimping kalompo' pakelong makaruaya. Garisi' pattottoranna battu rawa sa'genna nai' ri Lewi, iamintu: Asaf, Berekhya, Simea,

1 PATTOTTORANG 6:65

Desa-desaya ri daerana suku Yehuda, Simeon, siagang Benyamin iamintu sikamma le'bakamo nipau, nigoccang tongi nanibage.

2 PATTOTTORANG 31:15

Ri kota-kota maraeng napammantangia imang-imanga, nibantui Kore ri tu Lewi maraengannaya, iamintu: Eden, Minyamin, Yesua, Semaya, Amarya, siagang Sekhanya. Anjo kanre-kanreanga nipasangkamma-kammai bagena mae ri paranna suku Lewi, baji' natau toa kammayatompa tau rungka situru' massing tugasa'na ke'nanga.

YOSUA 21:4

Uru-urua antarimai kota-kotana iamintu kaluarga-kaluarga battua ri golongang Kehat lalang ri suku Lewi. Kaluarga-kaluarga jari-jarina Imang Harun nisarei sampulo antallu kota battu ri daerana suku Yehuda, Simeon siagang Benyamin.

YOSUA 21:8

Kammaminjo batena tu Israel ambage-bagei anjo kota-kotaya siagang butta-butta paranga. Naloterei ke'nanga untu' tu Lewi, sangkamma Naparentakanga Batara tete ri Musa.