YOSUA 20:5 - KITTA' MATANGKASA'

⁵ Punna niondangi ri anjo tau eroka a'balasa' sa'genna mange anjoreng, takkulleai pandudu'na anjo kotaya ampassareangi anjo taua mae ri anjo tau angngondanga. Musti nala'langngi ke'nanga, nasaba' tena nakunjungi anjo pammunoanga, siagang teai lanri birisi'na nammuno.

YOSUA 20:5 Iomraidhean Croise

KAIMANGNGANG 4:2

ampa'la'bangi napau mange ri tu Israel angkanaya inai-nai tena nasangajakki a'gau' dosa lanri nadakkai kalase'renna parentaNa Batara, musti nipinawangi anne paratoranga.

PAMMILANGNGANG 35:12

Anjo taua laamangi anjoreng ri kota-kotaya battu ri larrona bija-bijanna anjo tau mate nabunoa, eroka a'balasa'. Nasaba' anjo tunitudua ambunoi paranna tau takkulleai nibuno punna tenapa nale'ba' niparessa parkarana ri pangadelanna tau jaia.

PAMMILANGNGANG 35:25

Anjo umma' asse'rea musti najagai anjo tau tenaya nakunjungi ammuno battu ri pa'balasa'na bija-bijanna anjo tau matea. Anjo taua musti nierangi ammotere' mange ri kota palarianga, iamintu tampa' palarianna. Musti ammantangi anjoreng sa'genna matemo anjo tau a'jari Imang Malompoa anjo wattua; punna le'ba'mi anjo nampami akkulle ammotere' mange ri kamponna. Mingka punna nabokoi anjo kota tampa' palarianna, nampa nigappa siagang nibuno ri bijanna anjo tunibunoa, anjo panggaukang kammaya teai pammunoang.