YOSUA 2:4 - KITTA' MATANGKASA'

^4-6 Appialimi Rahab angkana, “Memang nia' tau battu mae ri ballakku, mingka tena nakuassengi angkana battu kemaei ke'nanga. A'lampami sumpaeng ke'nanga ri wattu appakaramulana sassanga ri tenanapa nike'buki pakke'bu' lompona kotaya. Nampa tena nakukuta'nangi ke'nanga angkana la'lampa kemaei ke'nanga; mingka punna niondangi linta', akkulle iji kapang nirapi' ke'nanga.” (Nampa sitojenna le'baki nacokko Rahab anjo ruaya mata-mata irawanganna raramea ri pammakkang balla'na.)

YOSUA 2:4 Iomraidhean Croise

2 KARAENG-KARAENG 6:19

Battumi Elisa mae ri ke'nanga nampa nakana, “Sala oloang ngasengko antu. Anne kotaya teai kota nuboyaiya.” Nampa nirurungang ri Elisa ke'nanga mange ri Samaria.

KALAPPASSANG 1:19

Appialimi ke'nanga angkana, “Anjo bai'-baine tu Ibrania tena nasangkamma bai'-baine tu Mesirka. Anjo ke'nanga lammoro' sikali punna ammanaki. Tenapa nabattu sanro pamanaka, nalassu' memammo ana'na ke'nanga.”

YAKOBUS 2:25

Cini' tongi anjo Rahab, iamintu baine pasundalaka. Nitarima bajiki ri Allata'ala lanri panggaukanna, iamintu ri wattunna natarima ri balla'na mata-matana bansa Israelka siagang natulunna ke'nanga lari ri oloang maraenga.

YOSUA 2:3

Jari nia'mo tau nasuro anjo karaenga mange ri Rahab untu' ampabattui parenta kammaya anne, “Pasuluki anjo sikamma tau niaka a'bangngi anjoreng ri ballaka. Anjo ke'nanga mata-mata battu untu' ansalidiki daera Yerikho!”

YOSUA 6:17

Sikontu kotaya siagang sikontu bonena musti niancuru' taba sikali salaku passare mae ri Batara. Poro iajinjo bawang Rahab, iamintu anjo baine pagau' bawanga siagang sikamma bija pammanakanna akkulle nilappassang attallasa', lanri le'ba'na nabantu mata-matata.

YOSUA 6:25

Mingka anjo Rahab siagang sikontu bija pammanakanna nilappassangi attallasa' ri Yosua, lanri le'ba'na nabantu anjo ruaya mata-mata nasuro Yosua mange ri Yerikho. (Sa'genna anne alloa nia' ija jari-jarina Rahab ri Israel.)