YOSUA 2:3 - KITTA' MATANGKASA'

³ Jari nia'mo tau nasuro anjo karaenga mange ri Rahab untu' ampabattui parenta kammaya anne, “Pasuluki anjo sikamma tau niaka a'bangngi anjoreng ri ballaka. Anjo ke'nanga mata-mata battu untu' ansalidiki daera Yerikho!”

YOSUA 2:3 Iomraidhean Croise

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

PA'JARIANG 42:31

Appialimi ikambe angkana, ‘Ikambe tubaji' ngasengki', teaiki' mata-mata; ikambe tau lambusukki'.

2 SAMUEL 10:3

Ri wattunna battu ke'nanga mange ri Amon, nakanamo sikamma pamimpinna anjo pa'rasanganga mae ri Karaeng Hanun, “Teaki' angkanai pikkiranta angkanaya nanakiring Daud anjo tunisurona lanri ero'na ampakalompoi manggeta karaeng! Nakiringi anjo taua mae anrinni a'jari mata-mata untu' ansalidiki anne kotaya, sollanna akkulle naalle.”

2 SAMUEL 17:20

Sikamma tau nasuroa Absalom battui mange anjoreng ri ballaka nampa akkuta'nang ri anjo bainea sumpaeng angkana, “Kemae Ahimaas siagang Yonatan?” Appialimi angkana, “Silalonna ke'nanga a'limbang binanga.” Naboyami ke'nanga anjo ruaya tau rungka mingka tanagappayai ke'nanga, nampa ammotere' ke'nanga mange ri Yerusalem.

1 PATTOTTORANG 19:3

nakanamo sikamma pamimpinna anjo pa'rasanganga ri Karaeng Hanun, “Teaki' appikkiriki angkanaya nakiringi Daud battu anjo tunisurona, lanri napakala'biri'na manggeta! Nakiringi anjo sikamma taua mae anrinni salaku mata-mata untu' ansalidiki pa'rasanganta, sollanna akkulle narampasa'!”

AYUB 21:30

Nakana ke'nanga, ‘Ri allo appabattuNa hukkungang Allata'ala, lanipasalamaki sikamma tau ja'dalaka.’

KAIMANGNGANG 24:14

“Erangi anjo taua assulu' ri pantaranganna kemaya. Sikamma tau le'baka allangngereki attunra anjo taua, musti napadongkoki limanna ri tompo' ulunna anjo taua nampa anjari sa'bi angkanaya salai anjo taua. Nampa sikontu ummaka musti nasambilai batu anjo taua sa'genna mate.

YOHANES 19:4

Le'baki anjo assulukammi pole Pilatus nampa nakana ri anjo tau jaia, “Ciniki! Kuerangi anne Taua mae ri dallekannu ngaseng, sollanna nuasseng angkanaya tena kugappa kasalanNa manna sirupa.”

LAMPA-LAMPANA 12:4

Ri wattunna nijakkala'mo Petrus nipantama'mi ri tarungkua. Nia' appa' regu tantara nisuro anjagai Petrus – tasse're-se're regu, nia' appa' anggota tantara. Le'bappi passua'-suarrang allo Paskaya, nampa laniadeli Petrus ri Herodes, ri dallekanna tau jaia.

LAMPA-LAMPANA 12:6

Ri bangngi tenanapa nalanierang Petrus andallekang ri Herodes siagang tau jaia, attinromi Petrus. Anjo wattu attinrona tassikkoki rua-rua limanna, nanijagai ri rua tantara pangawala'. Anjoreng ri pakke'bu' tarungkua, nia' todong rua pangawala' maraengang anjagai tarungkua.

YOSUA 10:23

Nisungkemi anjo kali'bong batua, nampa nierang assulu' karaeng-karaeng Yerusalem, Hebron, Yarmut, Lakhis siagang Eglon,

YOSUA 2:2

Nalangngereki karaenna kota Yerikho angkanaya nia' tu Israel battu ammata-matai daera Yerikho.

YOSUA 2:4

Appialimi Rahab angkana, “Memang nia' tau battu mae ri ballakku, mingka tena nakuassengi angkana battu kemaei ke'nanga. A'lampami sumpaeng ke'nanga ri wattu appakaramulana sassanga ri tenanapa nike'buki pakke'bu' lompona kotaya. Nampa tena nakukuta'nangi ke'nanga angkana la'lampa kemaei ke'nanga; mingka punna niondangi linta', akkulle iji kapang nirapi' ke'nanga.” (Nampa sitojenna le'baki nacokko Rahab anjo ruaya mata-mata irawanganna raramea ri pammakkang balla'na.)

HAKING-HAKING 4:20

Nampa nakanamo Sisera ri Yael, “Mangeko ammenteng ri timungang kemaya. Punna nia' tau battu nakkuta'nang ri kau apaka nia' tau anrinni, pauangi angkana tena.”