YOSUA 2:23 - KITTA' MATANGKASA'

²³ Nampa naummo battu ri monconga anjo ruaya mata-matana tu Israel nampa a'limbang ri binangaya, ammotere' mange ri Yosua. Nalaporo' ngasemmi ke'nanga sikamma pangalamanna ke'nanga.

YOSUA 2:23 Iomraidhean Croise

YOSUA 2:22

A'lampami anjo turuaya mata-mata mange ri daera pa'monconganga nampa accokko anjoreng. Tallungalloi sallona anjo sikamma tunasuroa karaenga amboyai ke'nanga ri kere-keremae ri sikontu anjo daeraya, mingka tanabuntulai ke'nanga. Kale'bakkanna ammotere'mi anjo sikamma tunisuroa a'boya mange ri Yerikho.

YOSUA 2:24

Nampa nakana ke'nanga, “Mattantu Napassareangi Batara anjo sikontu pa'rasanganga mae ri katte; sikontu tau niaka anjoreng malla' ngasengi mae ri katte.”

HAKING-HAKING 18:9

Nakanamo ke'nanga, “Umba kimange ambunduki Lais. Battu anjoremmi ikambe. Buttana bajiki, luaraki na coppong, yangasenna nia' anjoreng. Teaki' tuli ammantangngi anrinni tamanggaukang apa-apa. Karo-karo maki' mange anjoreng na nialle anjo pa'rasanganga. Lanirapikangi anjo pandudu'na na tanaassenga kalenna nibunduki. Tappaki ikambe angkanaya le'ba'mi Napassareang Allata'ala anjo pa'rasanganga mae ri katte.”