YOSUA 2:22 - KITTA' MATANGKASA'

²² A'lampami anjo turuaya mata-mata mange ri daera pa'monconganga nampa accokko anjoreng. Tallungalloi sallona anjo sikamma tunasuroa karaenga amboyai ke'nanga ri kere-keremae ri sikontu anjo daeraya, mingka tanabuntulai ke'nanga. Kale'bakkanna ammotere'mi anjo sikamma tunisuroa a'boya mange ri Yerikho.

YOSUA 2:22 Iomraidhean Croise

2 SAMUEL 17:20

Sikamma tau nasuroa Absalom battui mange anjoreng ri ballaka nampa akkuta'nang ri anjo bainea sumpaeng angkana, “Kemae Ahimaas siagang Yonatan?” Appialimi angkana, “Silalonna ke'nanga a'limbang binanga.” Naboyami ke'nanga anjo ruaya tau rungka mingka tanagappayai ke'nanga, nampa ammotere' ke'nanga mange ri Yerusalem.

YOSUA 2:21

Situjumi Rahab ri anjo passalaka nampa nalappassang ke'nanga a'lampa. Nampa napasikko' anjo otere' ejaya mae ri jandelana.

YOSUA 2:23

Nampa naummo battu ri monconga anjo ruaya mata-matana tu Israel nampa a'limbang ri binangaya, ammotere' mange ri Yosua. Nalaporo' ngasemmi ke'nanga sikamma pangalamanna ke'nanga.