YOSUA 2:19 - KITTA' MATANGKASA'

¹⁹ Punna nia' kalase'renna ke'nanga assulu' battu ri anne ballaka nampa mate nibuno, lanri kasalanna tonji antu namate; ta'lappasaki ikambe battu ri kasalanga. Mingka punna nia' tau anggappa bala lalang ri anne ballaka, ikambe pata sala.

YOSUA 2:19 Iomraidhean Croise

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

2 SAMUEL 4:11

Teai sipato' la'bi battala'na hukkungang lakupabattua mae ri tau ja'dala' ambunoai tau tenaya salana siagang sitabanga attinro ri balla' kalenna! Kamma-kamma anne kutuntuki pambalasanga mae ri kau lanri anjo pammunoanga, siagang kupa'lanynyakko battu ri tompo'na anne buttaya!”

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

KALAPPASSANG 12:13

Anjo cera' niaka ri pakke'bu' balla'nu la'jari pammatei mae ri sikamma balla' pammantangannu. Punna Kuciniki anjo ceraka, laKulaloiko siagang tena naKupanrakiko ri wattunna Kuhukkung Mesir.

KALAPPASSANG 12:22

Angngalle mako sisikko' leko'-leko' nampa nutallangngang naung ri katoang nipammoneia anjo cera'na gimbalaka, nampa nupasapu mae ri ruaya benteng pakke'bu'nu siagang irateanganna pakke'bu' balla'nu. Sa'genna bari'basa' tena manna sitau akkulle ambokoi balla'na.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

KAIMANGNGANG 20:11

Punna nia' tu bura'ne assikatinroang siagang kalase'renna bainenna manggena, naparkosai ha'na manggena. Anjo bura'nea siagang anjo bainea musti nihukkung matei. Matei ke'nanga lanri salana tonji ke'nanga.

KAIMANGNGANG 20:9

Napassareangi Batara anne paratorang-paratorang angkanaya, “Inai-nai antunrai manggena yareka anronna, musti nihukkung matei. Matei lanri salana tonji.

MATIUS 24:17

Tau niaka irate ri pattongko'na ballaka teami naungi angngalle apa-apa battu lalang ri balla'na.

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

LAMPA-LAMPANA 20:26

Jari kulambusiang mako kamma-kamma anne, angkanaya punna nia' ri kau anggappai kapanrakanga sallang, teaimi inakke pata sala.

LAMPA-LAMPANA 27:31

Mingka nakanamo Paulus ri anjo perwiraya siagang sikamma anjo tantara niaka ri kappalaka, angkana, “Punna tammantanga anjo ana'-ana' kappalaka anrinni ri kappalaka, tena ngaseng nulasalama' battu ri anne bahayaya.”

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

YOSUA 2:12

Kuminasai kiero' assumpa lanri arenNa angkanaya lakigau' bajiki kaluargaku sangkamma apa le'baka kugaukang mae ri katte. A'janji maki' angkanaya tena nalakibuno anrong manggeku, sikamma sari'battangku siagang sikamma kaluargana ke'nanga, passangalinna lakila'langngi. Siagang sarema' se're pammatei ri ma'nassana angkanaya akkulle ngasengki' nipatappa'!”

YOSUA 2:14

Appialimi anjo tau ruaya angkana, “A'janji ikambe angkana punna Napassareang Batara anne pa'rasanganga mae ri kambe, lanagau' bajikko ikambe, assala' tena nanucaritai manna pole ri nai anne passala'na ikambe. Nitunrai ikambe ri Batara punna tanarupaia ikambe anjo janjinna ikambe.”

YOSUA 2:20

Kabalekanna, punna nia' tau nupauang anne passala'na ikambe, ta'lappasaki ikambe battu ri anjo janji nupalaka mae ri kambe.”