YOSUA 2:18 - KITTA' MATANGKASA'

¹⁸ Mingka ia anne musti nugaukang. Punna battu sallang ikambe ambunduki pa'rasangannu, parallui anne otere' ejaya nupasikko' ri anne jandelaya, tampa'nu ampanaungi kambe. Anrong manggenu, sikamma sari'battannu, sikontu bija pammanakanna manggenu, parallui nupasse're anrinni ri balla'nu.

YOSUA 2:18 Iomraidhean Croise

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 7:1

Nampa Nakanamo Batara mae ri Nuh, “Kuciniki angkanaya ikau mami bawang kale-kalennu tau anggaukangai erokKu. Jari, antama' mako ri anjo kappalaka siagang sikontu bija pammanakannu.

ESTER 8:6

Antekamma lakkulle naparrangngi atanta anciniki bansana siagang bija pammanakanna niputta?”

KALAPPASSANG 12:13

Anjo cera' niaka ri pakke'bu' balla'nu la'jari pammatei mae ri sikamma balla' pammantangannu. Punna Kuciniki anjo ceraka, laKulaloiko siagang tena naKupanrakiko ri wattunna Kuhukkung Mesir.

KELONG MALA'BIRI' 4:3

Muncennu rapangi pita eja, na bawanu sanna' baji'na nicini'. Pilisi'nu rapangi rappo delima nipue rua, taccokko ri bokona bongonnu.

KAIMANGNGANG 14:4

nisuromi ri imanga anjo taua angngerang jangang-jangang attallasa' tenaya naharang, siagang sipolong kayu camara, otere' eja siagang sitangke supa.

PAMMILANGNGANG 19:6

Nampa imanga musti angngallei sike'de' kayu arasa', sitangke hisop siagang otere' eja, nampa napasambila antama' ri pepeka, ia a'rinraya antunui anjo sapi sikolaka.

PAMMILANGNGANG 4:8

Yangasenna anjo musti natongkoki ke'nanga siagang silawara' kaeng eja, nampa narangka' siagang silawara' kaeng kukkulu' alusu' irateanganna, siagang napataba kayu pa'bule'na anjo mejanga.

LUKAS 19:9

Nakanamo Isa, “Anne alloa ikau siagang sikamma bone balla'nu, nipasalama' mako ri Allata'ala siagang nisare mako katallassang beru, nasaba' sossoranna tongko Abraham.

LAMPA-LAMPANA 10:27

A'bicarami Petrus siagang Kornelius, nantama' tommo ke'nanga ri balla'. Jaimi nacini' Petrus tau battu a'rappungang.

LAMPA-LAMPANA 10:33

Lanri kammana minjo nakusuromo linta' taua mae angkiokki'. Nasanna' baji'na pa'maitta, kaerokki' battu mae anrinni. Kamma-kamma anne nia' ngasemmi ikambe anrinni, ri dallekanNa Allata'ala, ero' ampilangngeri sikamma apa Nasuro pabattua Allata'ala mae ri kambe.”

LAMPA-LAMPANA 11:14

Iami lampabattui mae ri kau kabara' lakkullea ampasalamakko siagang sikontu bone balla'nu.’ ”

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

IBRANI 9:19

Uru-urua napabattui Musa sikontu anjo hukkung Napassuroanga Allata'ala mae ri bansa Israelka. Le'baki anjo, angngallemi Musa cera' sapi rungka siagang cera' bembe laki. Nampa nacampuru' siagang je'ne', nampa napaba'basa' mange ri Kitta' Hukkung-hukkung battua ri Allata'ala siagang mange ri sikontu bansa Israelka. Ruku'-ruku' siagang bulu gimbala' eja toaya tanja'na napaba'basa'.

YOSUA 2:21

Situjumi Rahab ri anjo passalaka nampa nalappassang ke'nanga a'lampa. Nampa napasikko' anjo otere' ejaya mae ri jandelana.

YOSUA 6:23

Jari a'lampami anjo ruaya mata-mata, nampa naerang assulu' Rahab siagang anrong manggena, sikamma sari'battanna, kammayatompa bija pammanakanna maraenga. Anjo sikontu kaluargana Rahab siagang sikamma atanna nierangi assulu' mange ri tampa' amanga ri ampi'na pakkemaanna tu Israel.

YOSUA 6:25

Mingka anjo Rahab siagang sikontu bija pammanakanna nilappassangi attallasa' ri Yosua, lanri le'ba'na nabantu anjo ruaya mata-mata nasuro Yosua mange ri Yerikho. (Sa'genna anne alloa nia' ija jari-jarina Rahab ri Israel.)