YOSUA 2:14 - KITTA' MATANGKASA'

¹⁴ Appialimi anjo tau ruaya angkana, “A'janji ikambe angkana punna Napassareang Batara anne pa'rasanganga mae ri kambe, lanagau' bajikko ikambe, assala' tena nanucaritai manna pole ri nai anne passala'na ikambe. Nitunrai ikambe ri Batara punna tanarupaia ikambe anjo janjinna ikambe.”

YOSUA 2:14 Iomraidhean Croise

PA'JARIANG 24:49

Kamma-kamma anne, punna ero' ngaseng jaki' anggaukangi bajika mae ri karaengku siagang anggaukangi apa siratanga mae ri ia kamma sari'battang, tulunga' nakipauanga'. Mingka punna tena, kipauang tomma', sollanna kuasseng angkana apa musti kugaukang.”

PA'JARIANG 47:29

Ri wattunna la'birimmo narapi' a'jala'na, nakio'mi anjo ana'na Yusuf, nampa nakana ri ia, “Padongkoki limannu anrinni ri alla'na bonggangku, nampa assumpamako angkanaya tena nalanutarawanga' anrinni ri Mesir.

2 SAMUEL 2:5

akkirimmi tunisuro mange anjoreng angngerang pasang angkana, “Dasi-dasi Nabarakkaki ngasengko Batara, lanri nupappicinikanna tamamminrana pa'mai'nu mae ri karaennu, iamintu lanri nutarawanna maya'na.

2 SAMUEL 2:6

Lanri kammana anjo, dasi-dasi naNapappicinikang pangngamaseanNa siagang pa'mai' tamamminraNa Batara mae ri kau ngaseng. Inakke lakugau' baji' tongko lanri anjo apa nugaukanga.

2 SAMUEL 9:1

Ri se'reang allo akkuta'nangi Daud angkana, “Nia' ija bijanna Saul attallasa'? Punna nia' erokka' a'gau' baji' mae ri ia lanri Yonatan.”

1 KARAENG-KARAENG 20:39

Numalona karaenga, akkio'mi anjo na'bia angkana, “O Karaeng Mala'biri', ri wattungku a'bundu' ri tampa' pa'bundukanga nia' tau angngerang mae ri nakke sitau musu nijakkalaka. Nakana anjo taua, ‘Jagai anne taua baji'-baji'. Punna lari, kau musti ansambeangi nibuno yareka a'bayara' 3.000 doe' pera'.’

PANGNGEBARANG 14:22

Inai-nai anggaukangi apa bajika, lanipatappaki na nipakala'biri'; inai-nai anrancanakangi kaja'dallanga niaki ri oloang salaya.

PANGNGEBARANG 18:24

Nia' sahaba' tamamminraya, nia' todong la'bi jarre' na sari'battanga.

MATIUS 5:7

Mate'nei tau mangngamaseanga ri paranna tau; nasaba' iami lanikamaseang todong ri Allata'ala!

LAMPA-LAMPANA 23:22

Nakanamo anjo komandanga, “Teako pau-paui manna ri nai angkana le'ba'mi nupabattu anne kabaraka mae ri nakke.” Le'baki anjo, nasuromi ammotere' anjo turungkaya.

YOSUA 2:15

Lanri anjo balla'na Rahab iratei ri tembo'na kotaya nibangung, jari napanaummi Rahab anjo tau ruaya battu ri jandelaya naoloro' naung siagang otere'.

YOSUA 6:17

Sikontu kotaya siagang sikontu bonena musti niancuru' taba sikali salaku passare mae ri Batara. Poro iajinjo bawang Rahab, iamintu anjo baine pagau' bawanga siagang sikamma bija pammanakanna akkulle nilappassang attallasa', lanri le'ba'na nabantu mata-matata.

YOSUA 6:22

Nakanamo Yosua mae ri anjo ruaya tau le'baka a'jari mata-mata, “A'lampako mange ri balla'na anjo baine pagau' bawanga, siagang erangi assulu' siagang ngaseng kaluargana sangkamma le'baka nupa'janjiang mae ri ia.”

YOSUA 6:25

Mingka anjo Rahab siagang sikontu bija pammanakanna nilappassangi attallasa' ri Yosua, lanri le'ba'na nabantu anjo ruaya mata-mata nasuro Yosua mange ri Yerikho. (Sa'genna anne alloa nia' ija jari-jarina Rahab ri Israel.)

1 SAMUEL 20:8

Appala' tulunga' ri kau, nasaba' le'ba' maki' assijanji ri dallekanNa Batara. Mingka punna nia' salangku, bunoma', mingka teako passareangia' mae ri manggenu.”