YOSUA 2:1 - KITTA' MATANGKASA'

¹ Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 2:1 Iomraidhean Croise

PA'JARIANG 42:16

Kalase'rennu musti ammotere' angngallei. Ia maraenga lanitahangi sa'genna a'butti kanannu ngaseng. Punna tena, lanri arenna karaenga, ikau ngaseng anne ma'nassa mata-matako!”

PA'JARIANG 42:9

Nampa nau'rangimi so'nana Yusuf ri passala'na ke'nanga. Nakanamo Yusuf, “Ikau ngaseng anne mata-matako; battu ngasengko ero' ansalidiki kalammaanna pa'rasanganna ikambe.”

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

PAMMILANGNGANG 13:1

Nakana Batara mae ri Musa,

PAMMILANGNGANG 13:2

“Battu ri tunggala' suku Israel suroi tasse'rei battu ri pamimpinna untu' mange ammata-matai pa'rasangang Kanaan laKupassareanga mae ri tu Israel.”

PAMMILANGNGANG 25:1

Lalang ammantanna bansa Israel ri Lappara' Ka'bung Sitim, appakkaramulami tubura'-bura'nena ke'nanga a'gau' bawang siagang tubai'-baine bansa Moab niaka anjoreng.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

IBRANI 11:31

Lanri tappa'na todong, natanibunoa todong anjo baine pasundala' niarenga Rahab, siagang sikamma tau angngewayai Allata'ala; nasaba' natarima bajiki mata-matana tu Israelka.

YAKOBUS 2:25

Cini' tongi anjo Rahab, iamintu baine pasundalaka. Nitarima bajiki ri Allata'ala lanri panggaukanna, iamintu ri wattunna natarima ri balla'na mata-matana bansa Israelka siagang natulunna ke'nanga lari ri oloang maraenga.

YOSUA 1:18

Inai-nai taeroka mannuruki ri kakoasannu, yareka taeroka mannuruki ri parentanu, lanihukkung matei. Paralluko tappa' siagang barani!”

YOSUA 2:2

Nalangngereki karaenna kota Yerikho angkanaya nia' tu Israel battu ammata-matai daera Yerikho.

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.

HAKING-HAKING 18:14

Anjo limaya mata-mata le'baka nikiring riolo angkanami mae ri agang-aganna, “Nuassengi angkanaya ri kalase'renna anne ballaka nia' patung nilapisi' pera'? Nia' todong patung-patung maraeng siagang Efod. Pikkiri' sai, apa musti nigaukang.”

HAKING-HAKING 18:17

Tulusu'mi antama ri balla' anjo limaya mata-mata, nampa naalle anjo patung nilapisika pera' siagang patung-patung maraenganga, kammayatompa Efodka. Anjo turungka tu Lewia niaki ammenteng siagang anjo 600 tantara ri dallekanna pakke'bu' lompoa.

HAKING-HAKING 18:2

Jari ammilemi ke'nanga limaya tau pore battu ri sikontu bija niaka lalang ri sukuna ke'nanga ia niaka ammantang ri Zora siagang Esytaol. Nampa nasare tugasa' anjo tau limaya amparessai anjo pa'rasanganga. Jari a'lampami anjo limaya tau, na battumo ke'nanga ri daera pa'bulukanna daera Efraim. A'bangngimi ke'nanga anjoreng ri balla'na Mikha.