YOSUA 18:8 - KITTA' MATANGKASA'

⁸ Jari nasaremi pitunju' Yosua anjo taua nakana, “A'lampa mako mange amparessai sikontu anne pa'rasanganga siagang pare'mi gambara'na pa'baeng-baenna; nampa punna le'baki, battu mako pole mae ri nakke. Sallang lammuanga' loterei anrinni ri Silo untu' angngassengi apa Napattantua Batara mae ri kau ngaseng.” Le'baki natarima ke'nanga anjo pitunju'-pitunjuka battu ri Yosua, a'lampami ke'nanga amparessai anjo buttaya.

YOSUA 18:8 Iomraidhean Croise

PA'JARIANG 13:17

Kamma-kamma anne, jappaimi anne sikontu pa'rasanganga, nasaba' laKupassareangi anne mae ri kau.”

YESAYA 34:17

Batara ambagei anjo pa'rasanganga mae ke'nanga na massing natarima bageanna. Lammantangi ke'nanga anjoreng satunggu-tungguna, siagang anjo buttaya la'jari napatangi ke'nanga tulusu' mae ri turunganna ke'nanga.

ROMA 14:19

Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

YOSUA 13:7

Jari, kamma-kamma anne bage-bagemi anjo buttaya mae ri salapanga suku lalang ri bansa Israel, siagang mae ri bageruanna suku Manasye, sollanna a'jari butta pisakana ke'nanga.”

YOSUA 15:1

Kaluarga-kaluarga battua ri suku Yehuda annarimai pambageang butta kammaya anne pa'baeng-baenna: Ri bageang timboro', anjo daeraya a'la'bui sa'genna mange ri kaminang cappa' timboro'na daera parang lompo Zin ri pa'baeng-baenna Edom;

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YOSUA 18:10

Nampa nabuang Yosua lotereia untu' angngassengi apa Napattantua Batara mae ri ke'nanga. Le'baki anjo napassareammi Yosua anjo pambageang buttaya mae ri tunggala' sukua lalang ri bansa Israel tenayapa nanggappa pambageang butta.

YOSUA 18:6

Gambara'na pa'baeng-baenna anjo tujua pambageang butta musti nipareki, nampa nipassareang mae ri nakke. Sallang lammuanga' loterei untu' angngassengi apa Napattantua Allata'ala untu' ikau ngaseng.

YOSUA 18:9

Najappaimi ke'nanga sikontu anjo pa'rasanganga, nampa nacata' ke'nanga pa'baeng-baenna anjo tujua pambageang butta, kammayatompa nacata' ngaseng tommi kota-kota niaka ilalang. Nampa ammotere' ke'nanga mae ri Yosua ri pakkemaanga ri Silo.

1 SAMUEL 14:41

Appala' doammi Saul angkana, “O Batara, Allata'alana Israel, angngapai naKitaeroka ampialia' anne alloa? Appiali maKi' Batara, battu lalang ri anne batu-batu matangkasaka. Punna anjo kasalanga niaki ri nakke yareka ri Yonatan, appiali maki' siagang batu Urim, mingka punna anjo kasalanga niaki ri ummatTa Israel, appiali maki' siagang batu Tumim.” Appialimi Karaeng Allata'ala, na Yonatan siagang Saul najo'jo'. Lalang kammana anjo ma'nassami angkanaya tena nara'yaka sala.