YOSUA 18:10 - KITTA' MATANGKASA'

¹⁰ Nampa nabuang Yosua lotereia untu' angngassengi apa Napattantua Batara mae ri ke'nanga. Le'baki anjo napassareammi Yosua anjo pambageang buttaya mae ri tunggala' sukua lalang ri bansa Israel tenayapa nanggappa pambageang butta.

YOSUA 18:10 Iomraidhean Croise

1 PATTOTTORANG 24:5

Nasaba' baji' nalalang ri turunganna Eleazar, kammayatompa lalang ri turunganna Itamar, nia' pajaba'-pajaba' Balla'Na Batara siagang pamimping-pamimping agama, jari untu' anjo pambageang tugasaka niallemi nigoccang.

NEHEMIA 11:1

Sikamma pamimping siagang ra'ya' ammantanga ri Yerusalem a'goccangi lomoro' untu' ampilei tasse're battu ri sampuloa kaluarga, musti ammantang ri kota Matangkasa' Yerusalem. Tenaya nipilei akkullei ammantang ri kota-kota maraenganga.

PAMMUJI 47:4

Nasareki' pammetang lompo mae ri bansa-bansaya, Napa'jariki', makoasa mae ri suku-suku bansaya.

PAMMUJI 61:5

Boli'mi kamma kunnumpang ri kemaTa lalang sikontu umurukku, sollangku amang lalang ri la'lanna ka'nyitTa.

PANGNGEBARANG 18:18

Lanri nigoccanna nomoroka, akkullei nipakabaji' passisalanga, ba'lalo passisalanna tukoasaya akkulle tongi nipakabaji'.

YEREMIA 7:12

A'lampako mange ri Silo, iamintu kota le'baka riolo Kupile a'jari tampa' panynyombang mae ri Nakke. Ciniki apa le'baka Kugaukang mae ri anjo tampaka lanri dosana ummakKu Israel.

YEHEZKIEL 47:22

siagang anjo buttaya a'jarimi nupatang satunggu-tungguna. Ia bansa maraeng niaka ammantang tuli ri tangnga-tangnganu, nampa nia' ana'-ana'na lassu', musti anggappa tongi bageang battu ri anjo buttaya. Anjo ke'nanga musti nipare' sangkammai bansa Israel, siagang musti amminawang tongi nigoccang arenna ke'nanga untu' anggappa butta punna nibagei anjo buttaya ri suku-suku Israel.

YEHEZKIEL 48:29

Nakana Batara Kaminang Tinggia, “Kammami anjo carana nibage-bage buttaya mae ri suku-suku Israel.”

MIKHA 2:5

Lanri kammana anjo, punna narapi' wattunna anjo pa'rasanganga nipoterang mae ri umma'Na Batara, tena manna sitau battu ri kau lantarimai bageanna.

PAMMILANGNGANG 34:16

Nakana Batara mae ri Musa,

MATIUS 27:35

Nampa nasalli' ke'nanga Isa. Na nabotorimi pakeanNa ero' nabage massing tawana.

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

LAMPA-LAMPANA 13:19

Tuju bansa maraeng nabeta Nabunduki ri butta Kanaan. Nampa Nabage-bage Allata'ala anjo butta Kanaan mange ri bansa Israel, sollanna nakammai anjo buttaya.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

KOLOSE 1:12

kammayatompa appala' sukkuru' mae ri Manggea. Nasaba' iaminjo Manggea ampa'jari siratangko antarimai apa le'baka Napasadia Allata'ala untu' umma'Na lalang ri kakaraengang singaraka.

YOSUA 14:2

Kamma le'baka Naparentakang Batara mae ri Musa, anjo daera-daera ilaukanna Binanga Yordan nitantukanga untu' salapang assititangnga suku bansa Israel, musti nibage-bagei, iamintu niloterei carana.

YOSUA 14:5

Kammaminjo batena umma' Israel ambage-bagei anjo buttaya situru' apa le'baka Naparentakang Batara mae ri Musa.

YOSUA 18:11

Pambageang makase'rea iamintu butta untu' kaluarga-kaluarga niaka lalang ri suku Benyamin. Anjo bageanna ke'nanga niaki ri alla'na buttana suku Yehuda siagang buttana suku jari-jarina Yusuf.

YOSUA 18:6

Gambara'na pa'baeng-baenna anjo tujua pambageang butta musti nipareki, nampa nipassareang mae ri nakke. Sallang lammuanga' loterei untu' angngassengi apa Napattantua Allata'ala untu' ikau ngaseng.

YOSUA 18:8

Jari nasaremi pitunju' Yosua anjo taua nakana, “A'lampa mako mange amparessai sikontu anne pa'rasanganga siagang pare'mi gambara'na pa'baeng-baenna; nampa punna le'baki, battu mako pole mae ri nakke. Sallang lammuanga' loterei anrinni ri Silo untu' angngassengi apa Napattantua Batara mae ri kau ngaseng.” Le'baki natarima ke'nanga anjo pitunju'-pitunjuka battu ri Yosua, a'lampami ke'nanga amparessai anjo buttaya.

YOSUA 18:9

Najappaimi ke'nanga sikontu anjo pa'rasanganga, nampa nacata' ke'nanga pa'baeng-baenna anjo tujua pambageang butta, kammayatompa nacata' ngaseng tommi kota-kota niaka ilalang. Nampa ammotere' ke'nanga mae ri Yosua ri pakkemaanga ri Silo.

YOSUA 19:51

Kammaminjo batena Imang Eleazar, Yosua ana'na Nun siagang sikamma kapala kaluarga niaka lalang ri suku-suku bansa Israel ambage-bagei buttaya ri anjo pa'rasanganga. Ammuangi loterei ke'nanga untu' appala' pangngunju' battu ri Batara. Anjorengi ri Silo nagaukang ke'nanga anjo kammaya, ri dallekang pakke'bu' KemaNa Batara. Jari le'ba'mi anjo pambageang buttaya.

YOSUA 23:4

Buttana bansa-bansaya niaka ija ammantang, kammayatompa buttana sikontu bansa le'bakamo kubeta, iamintu butta takka'ranga battu iraya ri Binanga Yordan tulusu' kalau' sa'genna ri Tamparang Tangngaya, le'ba' kabusu'mi kubage-bage mae ri kau untu' a'jari pisakanu.