YOSUA 18:1 - KITTA' MATANGKASA'

¹ Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YOSUA 18:1 Iomraidhean Croise

2 SAMUEL 7:6

Baku'na Kulappassang bansa Israel battu ri Mesir sa'genna kamma-kamma anne, tena le'baKa' ammantang lalang ri se'reang balla', passangalinna a'la'bangA' tuli a'lampa siagang lalangA' ri kemaya ammantang.

1 KARAENG-KARAENG 14:2

Nakanamo Yerobeam ri bainenna, “Sadia-sadiako untu' a'lampa mange ri Silo ri balla'na Na'bi Ahia, angkanaya riolo la'jari karaenga' ri Israel. Mingka ammakeang palusukko sollanna tena naassengko taua.

1 KARAENG-KARAENG 14:4

Jari a'lampami bainenna Yerobeam mange ri balla'na Na'bi Ahia ri Silo. Anjo na'bia takkulleami accini' lanri sanna'mi toana.

1 KARAENG-KARAENG 2:27

Nampa nasuromo Salomo ammari a'jari imang anjo Abyatar. Lanri nagaukanna Salomo anjo kammaya, a'buttimi apa le'baka Napau Batara ri Silo ri passala'na turunganna Imang Eli.

NEHEMIA 9:24

Turunganna ke'nanga nabetai butta Kanaan; Kipatunduki pandudu' niaka anjoreng. Kisarei koasa ummatTa angngalle tindakang situru' ero'na ri bansa-bansa Kanaan siagang sikamma karaenna.

PAMMUJI 78:60

Nabokoimi KemaNa ri Silo, tampa' pammantanganNa ri alla'na rupataua.

PAMMUJI 78:66

Natunrungi ammunduru' balinNa, na Nabeta ke'nanga sa'genna satunggu-tungguna.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 26:9

Barani tojengko a'bicara lalang arenNa Batara, angkanaya anne Balla'Na la'jari sangkammai Silo, siagang angkanaya anne kotaya laniancuruki siagang la'jari tampa' tenamo nanipammantangngi.” Nampa nikatulumma' ri tau jaia.

YEREMIA 41:5

nia'mo tau sagantujupulo battu ri Sikhem, Silo, siagang Samaria. Le'baki nacukkuru' janggo'na ke'nanga, nakae-kae pakeanna, siagang nakere'-kere' kalenna ke'nanga. Angngerangi ke'nanga gandung siagang kamanynyang untu' napassareang ri Balla'Na Batara.

PAMMILANGNGANG 32:22

sa'genna niallemo anjo pa'rasanganga, akkulle mako ammotere'; ta'lappasa' mako battu ri kawajibannu mae ri Batara siagang mae ri sikamma sari'battannu, kammayatompa laNasareang mako Batara anjo butta niaka iraya anne untu' ikau ampatangi.

LAMPA-LAMPANA 7:45

Nampa naerang boe-boeta siagang Yosua anjo pa'balla'-ballakanNa Allata'ala ri wattunna a'lampa ke'nanga ambunduki nampa naalle ke'nanga anne pa'rasanganga battu ri kakoasanna bansa-bansa nibongkaya ri Allata'ala battu ri dallekanna ke'nanga. Niaki anjoreng anjo pa'balla'-ballakanNa Allata'ala sa'genna jammang pamarentahanna Daud.

YOSUA 18:2

Nia' ija tuju suku bansa Israel tenapa nanggappa pambageang butta.

YOSUA 18:8

Jari nasaremi pitunju' Yosua anjo taua nakana, “A'lampa mako mange amparessai sikontu anne pa'rasanganga siagang pare'mi gambara'na pa'baeng-baenna; nampa punna le'baki, battu mako pole mae ri nakke. Sallang lammuanga' loterei anrinni ri Silo untu' angngassengi apa Napattantua Batara mae ri kau ngaseng.” Le'baki natarima ke'nanga anjo pitunju'-pitunjuka battu ri Yosua, a'lampami ke'nanga amparessai anjo buttaya.

YOSUA 19:51

Kammaminjo batena Imang Eleazar, Yosua ana'na Nun siagang sikamma kapala kaluarga niaka lalang ri suku-suku bansa Israel ambage-bagei buttaya ri anjo pa'rasanganga. Ammuangi loterei ke'nanga untu' appala' pangngunju' battu ri Batara. Anjorengi ri Silo nagaukang ke'nanga anjo kammaya, ri dallekang pakke'bu' KemaNa Batara. Jari le'ba'mi anjo pambageang buttaya.

YOSUA 22:19

Punna ra'masa' anjo daeranu siagang tena nasiratang nipa'jari tampa' ibada mae ri Batara, a'lette' mako mae anrinni, ri daeraNa Batara, ri tampa' niaka KemaNa Batara. Palaki sipa'gang daerana ikambe, mingka teako angngewai mae ri Batara yareka teako ewai ikambe lanri nutambaina tampa' pakkoro'bangnganga nampa nia'mo tampa' pakkoro'bangnganNa Karaeng Allata'alata.

HAKING-HAKING 18:31

Anjo patung barhala bate pare'na Mikha tuli niaki ri Lais ri wattu nia'na KemaNa Batara ri Silo.

HAKING-HAKING 21:12

Jari ri sikamma tau niaka tassesa ri Yabesh, nia'mo nagappa ke'nanga 400 tuloloiji. Naerammi ke'nanga anjo sikamma tuloloa mange ri pakkemaanga ri Silo niaka ri pa'rasangang Kanaan.

HAKING-HAKING 21:19

Nakanamo ke'nanga, “Kammanne! Nia' se're akkulle nigaukang, iamintu ri wattu passua'-suarrang tunggala' taunga untu' Batara ri Silo.” (Ri timboranna Silo niaki kota Betel, na laukanna nia' agang lompona Betel mange ri Sikhem, nampa warakkanna iamintu kota Lebona.)

1 SAMUEL 1:24

Le'baki nisa'la' anynyusu Samuel, niantara'mi ri amma'na mange ri Balla'Na Batara ri Silo. Anjo wattua ca'di dudu iji Samuel. Angngerang tommi Hana sikayu sapi laki umuru' tallun taunga, gandung sampulo kilo battala'na, siagang sipammoneang rassia anggoro'.

1 SAMUEL 1:3

Taung-taungi Elkana a'lampa battu ri Rama mange assambayang ri Silo siagang assare koro'bang mae ri Batara Kaminang Koasaya. Ia a'jari imanNa Batara ri Silo, iamintu Hofni siagang Pinehas, ana'na Eli.