YOSUA 17:7 - KITTA' MATANGKASA'

⁷ Garisi'-garisi' pa'baeng-baenna suku Manasye appakkaramulai battu ri Asyer sa'genna Mikhmetat irayanganna Sikhem. Battu anjoreng anjo garisika naungi a'lampa timboro' sa'genna mange ri daera golongang En-Tapuah.

YOSUA 17:7 Iomraidhean Croise

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

PA'JARIANG 37:12

Ri se'reang allo, ri wattu a'lampana sikamma daenna Yusuf untu' angkalawaki sikamma bembena siagang gimbala'na manggena ke'nanga,

PA'JARIANG 37:14

Nakanamo manggena, “Ciniki antekamma kaadaanna sikamma daennu siagang bembeta kammayatompa gimbalatta, nampa ammoterekko mae ri nakke ampauanga'.” Nalappassammi a'lampa Yusuf, ambokoi lappara'na Hebron. Tena nasallo, battumi Yusuf mange ri Sikhem.

1 KARAENG-KARAENG 12:1

A'lampai Rehabeam mange ri Sikhem, lanri sikontu ra'yaka ri Israel bageang wara' nia'mi a'rappungang anjoreng untu' angngangkaki a'jari karaeng.

1 KARAENG-KARAENG 12:25

A'jari karaennamo ri Israel, nakassakkimi Yerobeam kota Sikhem ri daera pa'monconganna Efraim, nampa ammantang anjoreng untu' sinampekang wattu. Nampa a'lampa pole battu anjoreng na nakassakki kota Pnuel.

1 PATTOTTORANG 6:67

Sikhem, kota suaka ri monconga anjo daeraya, Gezer,

PAMMUJI 60:6

Kipakaingaki tau mappilangngeria, sollanna ta'lappasa' ke'nanga battu ri hukkunganga.

YOSUA 17:8

Daera Tapuah iamintu daerana suku Manasye, mingka kota Tapuah, ri pa'baeng-baenga, iamintu kotana jari-jarina Efraim.

YOSUA 20:7

Jari ri daera laukanna Binanga Yordan napattantumi umma' Israel kota-kota palarianga, iamintu: Kedes ri pa'monconganna suku Naftali ri Galilea, Sikhem ri pa'monconganna suku Efraim, siagang Hebron ri pa'monconganna suku Yehuda.

YOSUA 24:1

Napasse'rei Yosua suku-suku bansa Israel ri Sikhem, nampa nasuro sikamma tau toa-toaya, sikamma pamimpinga, sikamma hakinga siagang sikamma perwira tantaraya battu andallekang. Jari battu ngasemmi ke'nanga andallekang ri Allata'ala.

YOSUA 24:32

Maya'na Yusuf, naeranga umma' Israel battu ri Mesir, nitarawangi ri Sikhem, iamintu butta naballia Yakub sibilangngang doe' pera' battu ri ana'-ana'na Hemor, manggena Sikhem. Anjo buttaya niwarisiki mae ri jari-jarina Yusuf.

HAKING-HAKING 9:1

Ri se'reang allo a'lampami Abimelekh, iamintu ana'na Gideon, mange ri kota Sikhem, napammantangia bijanna amma'na. A'bicarami anjoreng mae ri ke'nanga angkana,