YOSUA 17:2 - KITTA' MATANGKASA'

² Daera laukanna Binanga Yordan nipassareangi mae ri kaluarga-kaluarga maraenga battu ri jari-jarina Manasye, iamintu kaluarga-kaluarga: Abiezer, Helek, Asriel, Sekhem, Hefer siagang Semida; yangasenna anjo ke'nanga turungang bura'ne battu ri Manasye ana'na Yusuf. Iami ke'nanga kapala-kapala kaluarga.

YOSUA 17:2 Iomraidhean Croise

1 PATTOTTORANG 7:18

Sari'battang bainena Gilead, niarenga Molekhet, nia' tallu ana'na bura'ne, iamintu: Isyhod, Abiezer, siagang Mahla.

YOSUA 17:1

Siapa are bageang ri bageang laukanna Binanga Yordan nipassareangi mae ri bageruanna kaluarga-kaluarga Manasye, ana' toana Yusuf. Makhir, manggena Gilead, iami ana' toana Manasye. Nasaba' ia se'rei tantara pejuang, jari daera Gilead siagang Basan niaka irayanganna Binanga Yordan nipassareang mae ri ia.

YOSUA 17:3

Zelafehad, ana'na Hefer, cucunna Gilead (Gilead ana'na Makhir, cucunna Manasye), tena ana'na bura'ne, mingka baine bawang, iamintu: Makhla, Noa, Hogla, Milka, Tirza.

HAKING-HAKING 6:11

Ri se'reang allo battumi malaeka'Na Batara ri kota Ofra. Nampa ammempo ri rawanganna poko' kayu terpentin, iamintu poko' kayuna Yoas, tu battu ri golonganna Abiezer. Nia' ana'na niareng Gideon, sitabang anjama ase gandung ri pammaccokang je'ne' anggoroka. Nagaukang cokko-cokkoi anjo jama-jamanna sollanna tena naniciniki ri anjo tu Midian.

HAKING-HAKING 8:2

Mingka appialimi Gideon angkana, “Tena nasiapa anggaranna apa kugaukanga na ia apa nugaukanga ngaseng. Manna nasike'de'ja anjo apa nugaukanga, mingka anjo apa sike'deka lompoangngangi anggaranna na anjo nagaukanga sikontu taungku.