YOSUA 17:11 - KITTA' MATANGKASA'

¹¹ Ilalang ri anjo daerana suku Isakhar siagang suku Asyer nia' buttana suku Manasye, iamintu: Bet-Sean siagang Yibleam kammayatompa desa-desa niaka ri tammulilina. Kammayatompa: Dor (kota niaka ri biring tamparang), En-Dor, Taanakh, Megido siagang desa-desa niaka ri tammulilina.

YOSUA 17:11 Iomraidhean Croise

2 SAMUEL 21:12

a'lampami angngallei buku-bukunna Saul siagang Yonatan battu ri pandudu'na kota Yabesh ri Gilead. (Le'baki anjo taua allukkaki anjo buku-bukua battu ri parang kotana Bet-San, iamintu tampa'na tu Filistin anggentungi anjo maya'-mayaka ri le'ba'na nabeta Saul ri Bonto Gilboa.)

1 KARAENG-KARAENG 9:15

Karaeng Salomo ammakei cara ammassa untu' ansuroi taua ambangungi Balla'Na Batara, balla' kakaraenganga, tembo'na Yerusalem, siagang untu' antambungi butta niaka ri bageang timboranna Balla'Na Karaeng Allata'ala. Kamma tomminjo carana untu' ambangungi ammotere' kota Hazor, Megido, siagang Gezer. (

2 KARAENG-KARAENG 9:27

Naciniki Ahazia anjo apa kajarianga. Jari napalarimi karetana a'lampa mange ri kota Bet-Hagan. Niondammi ri Yehu siagang a'gorai ri ana' buana angkana, “Buno tongi anjo!” Nipanami ri ke'nanga na nataba ri agang a'lampa mangea ri Gur, ri ampi'na kota Yibleam. Mingka akkullei ta'lappasa' lari sa'genna mange ri Megido, nampa anjorempi mate.

1 PATTOTTORANG 6:70

Ri daera suku Manasye niaka ri bageang laukanna Binanga Yordan nisaremi ke'nanga desa Aner siagang Bileam siagang sikamma parang ruku' niaka ri tammulilina.

1 PATTOTTORANG 7:29

Turungang battua ri Manasye angkoasai kota Bet-Sean, Taanakh, Megido, Dor, siagang desa-desa niaka ri tammulilina. Ia ngasemminjo daera pammantanganna turungang battua ri Yusuf, ana'na Yakub.

2 PATTOTTORANG 35:22

Mingka kammaji lompona pattujunna Yosia untu' angngewa, siagang taerokai appilangngeri Yosia ri apa Napaua Allata'ala tete ri Karaeng Nekho. Ammake palusu'mi Yosia nampa antama' ri pa'bundukanga ri lappara' rawana Megido.

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

YEREMIA 49:2

Mingka lanarapiki sallang wattunna nalaKupilangngeriang pandudu'na Raba, ibukotana anjo Amon, iamintu sa'ra-sa'ra pakkio' pa'bundukang. Anjo kotaya la'jari rumbangngangi siagang desa-desa niaka ri tammulilina lala'busuki nakanre pepe'. Nampa Israel lanaallei ammotere' buttana battu ri tau le'baka riolo angngalle passai.

ZAKHARIA 12:11

Ri anjo alloa nia' karru' lompo ri Yerusalem, rapang karru' mae ri Hadad-Rimon ri Ka'bung Lappara'na Megido.

YOSUA 11:2

mange ri karaeng-karaeng niaka ri pa'moncongang bageang wara', ri Ka'bunna Yordan ri bageang timboranna Galilea, ri daera pa'moncongang, siagang ri daera biring tamparanga ri ampi'na Dor.

YOSUA 16:9

kammayatompa siapa are kota ca'di siagang desa niaka lalang ri wilayah Manasye.

YOSUA 17:10

Kammaminjo nania' suku Efraim ri bageang timboro' siagang suku Manasye ri bageang wara', nampa Tamparang Tangngaya a'jari pa'baeng-baenna ke'nanga ri bageang lau'. Ri bageang lau' na mae ri kanang sike'de', anjo daerana suku Manasye a'baeng-baengi siagang daerana suku Asyer, nampa bageang iraya mae ri kanang sike'de', a'baeng-baengi siagang daerana suku Isakhar.

YOSUA 17:16

Appialimi anjo turunganna Yusuf angkana, “Tanggannakkai luara'na anjo daera pa'monconganga untu' ikambe, nampa anjo bansa Kanaan niaka ammantang ri lappara'-lappara' rawaya jai kareta bundu'na, bassia nipare', baji' niaka ammantang ri Bet-Sean siagang desa-desa niaka ri tammulilina, kammayatompa niaka ammantang ri Ka'bung Yizreel.”

HAKING-HAKING 1:27

Ia tenaya nibongkai ri suku Manasye iamintu tuniaka ri kota Bet-Sean, Taanakh, Dor, Yibleam, Megido siagang sikamma kampong-kampong niaka ambani. Jari ammantangiji tu Kanaan anjoreng.

HAKING-HAKING 5:19

Ri Taanakh ri ampi'na Binanga Megido a'bundu' sikamma karaenga, barjuang sikamma karaeng Kanaan mingka manna pera' tamania' naerang ke'nanga battu ri pa'bundukang.

1 SAMUEL 28:7

Lanri kammana anjo nakanamo Saul mae ri pagawena, “A'boyako sitau sanro baine pakkio' nyawa tu mate, kaerokka' a'lampa mange ri ia untu' appala' pitunju'.” Appialimi ke'nanga angkana, “Ri En-Dor nia' sanro kammaya anjo.”

1 SAMUEL 31:10

Nampa anjo baju pa'bundu'na Saul niboliki lalang ri balla' rewata baine niarenga Asytoret, siagang kalenna anjo bajua nipakui mae ri tembo' kota Bet-Sean.

1 SAMUEL 31:12

Nia'mo siapa are tu kaminang barani a'lampa battu anjoreng nampa a'jappa sila'busu' bangngi mange ri Bet-Sean. Napanaummi maya'na Saul siagang maya'-maya'na ana'-ana' bura'nena battu ri tembo'na anjo kotaya, nampa naerang mange ri Yabesh, na natunu.