YOSUA 15:8 - KITTA' MATANGKASA'

⁸ nampa nai' allalo ri Ka'bung Hinom a'lampa timboro' ri buluka, ri napammantangngia Yerusalem, kota tu Yebus. Battu anjoreng ri garisi' pa'baeng-baenga a'lampa mange ri coppo'na anjo buluka ri laukanna Ka'bung Hinom, ri cappa' wara'na Ka'bung Refaim,

YOSUA 15:8 Iomraidhean Croise

2 SAMUEL 5:18

Battumi tu Filistin ri Ka'bung Refaim siagang naempoi anjo tampaka.

2 SAMUEL 5:22

Tena nasallo ribokoanganna battumi pole tu Filistin angngempoi Ka'bung Refaim.

2 KARAENG-KARAENG 23:10

Tofet, iamintu tampa' panynyombanga mae ri rewataya ri Ka'bung Lappara' Hinom, napanraki tongi. Lanri kammana anjo tenamo tau akkulle ampassareangi ana'na untu' a'jari koro'bang mae ri Rewata Molokh.

1 PATTOTTORANG 11:4

Ri se'reang wattu a'lampami Daud siagang sikontu tantarana Israel mange ambunduki kota Yerusalem. Anjo wattua anjo kotaya niarengi kota Yebus, siagang nipammantangi ri tu Yebus, pandudu' aslina anjo kotaya.

2 PATTOTTORANG 28:3

nampa attunu dupa ri Ka'bung Lappara' Hinom. Ba'lalo ana' bura'ne kalenna napassareang a'jari koro'bang mae ri barhalaya, situru' kabiasang ja'dala'na tau le'bakamo Nabongka Batara battu ri pa'rasangang Kanaan ri wattunna napantamakki tu Israel anjo pa'rasanganga.

YESAYA 17:5

Anjo Israel lasanrapangi koko ri Refaim cappuka le'ba' nikatto gandunna, na sike'de' mamo tassesa.

YEREMIA 19:14

Nampa kubokoi Tofet, tampakku nisuro ampabattui pasanNa Batara. A'lampa' mange ri paranglakkeng Balla'Na Batara ammenteng anjoreng, nampa kupauang sikontu taua,

YEREMIA 19:2

untu' a'lampa siagang ke'nanga mange ri Ka'bung Lappara' Hinom allalo ri Pakke'bu' Lompo Beling. Anjoreng musti kupa'la'bangi kupabattu apa Napappasangnganga ri nakke.

YEREMIA 19:6

Lanri kammana anjo, nia' sallang nanarapiki wattunna naanne tampaka tenamo naniarengi Tofet yareka Ka'bung Lappara' Hinom, passangalinna Ka'bung Lappara' Pammolongang.

YOSUA 15:63

Kota Yerusalem antama tongi kotana Yehuda, mingka takkulleai tu Yehuda nabongka tu Yebus niaka ammantang anjoreng. Sa'genna kamma-kamma anne tuli nia' iji tu Yebus sipammantangngang siagang tu Yehuda ri anjo kotaya.

YOSUA 18:16

nampa naung ri bangkeng moncong assidallekanga siagang Ka'bung Hinom ri cappa' wara'na Ka'bung Refaim. Le'baki anjo, a'lampa timboroki anjo garisi' pa'baeng-baenga allalo ri ka'bung Hinom ri bageang timboro'na pungku'-pungku'na monconga ri pa'rasangang Yebus, tulusu' mange ri En-Rogel,

HAKING-HAKING 1:21

Na suku Benyamin takkulleai nabongka tu Yebuska assulu' battu ri kota Yerusalem. Iaminjo saba'na natuli sipammantangang tu Yebus siagang tu Benyamin.

HAKING-HAKING 1:8

Nabundukimi tu Yehuda kota Yerusalem. Na narampasa' siagang natunumi ke'nanga anjo kotaya. Kammayatompa nabuno tommi tuma'buttana.

HAKING-HAKING 19:10

Mingka taerokami anjo tu Lewia a'bangngi anjoreng. A'lampami siagang baine piarana kammayatompa surona siagang ruang kayu keledai teke'na. Ri wattunna lasa'ra'mo alloa, anrapi'mi ke'nanga mange ri ampi'na Yebus (iamintu Yerusalem). Nampa nakanamo anjo suroa mae ri karaenna, “Karaeng, umba kissengkamo nakia'bangngi anrinni ri kotana tu Yebus.”