YOSUA 15:7 - KITTA' MATANGKASA'

⁷ nampa tulusu' mange ri Ka'bung Kasusaang sa'genna battu mange ri Debir, nampa a'lekko pole wara' a'lampa mange ri Gilgal ri tampa' assidallekanga siagang pungku'-pungku'na monconga ri Adumim ri bageang timboranna anjo ka'bunga. Battu anjoreng tulusuki pole mange ri timbuseng je'ne' En-Semes, nampa mange ri En-Rogel,

YOSUA 15:7 Iomraidhean Croise

2 SAMUEL 17:17

Lalanna anjo wattua Yonatan ana'na Abyatar siagang Ahimaas ana'na Zadok sitabangi attayang ri ampi'na timbuseng je'neka ri En-Rogel, ri birinna kota Yerusalem. Tena nabarani ke'nanga antama ri kotaya lanri mallaki nicini' ri taua. Sangkamma biasaya, nia' sitau ata baine ampabattui mae ri ke'nanga punna nia' kabara' musti nilaporo' mae ri Karaeng Daud.

1 KARAENG-KARAENG 1:9

Ri se'reang allo, ri tampa' niarenga Batu Ulara' ri ampi'na timbuseng je'ne' En-Rogel, Adonia assaremi koro'bang gimbala', sapi laki siagang ana' sapi co'mo'-co'moka. Naundammi ana'-ana' bura'nena Karaeng Daud maraenga, siagang pagawe-pagawena balla' karaeng battua ri suku Yehuda mange ri anjo passua'-suarrang koro'banga.

YESAYA 65:10

UmmakKu lanynyombai ri Nakke; gimbala'na siagang sapina ke'nanga la'rukuki ri Lappara'na Saron siagang Ka'bung Akhor.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

YOSUA 10:43

Le'baki anjo ammotere'mi Yosua siagang tantarana mange ri pakkemaanga ri Gilgal.

YOSUA 15:15

Battu anjoreng a'lampami ambunduki sikamma tau ammantanga ri Debir. (Anjo kotaya riolo niarengi Kiryat-Sefer.)

YOSUA 15:6

nai' ri Bet-Hogla, nampa tulusu' mange ri pa'baeng-baenna Lappara' Yordan. Battu anjoreng ri anjo pa'baeng-baeng waraka naiki tulusu' a'lampa wara' sa'genna mange ri Batu Bohan (Bohan iamintu ana'na Ruben),

YOSUA 18:17

a'lekko wara' mange ri En-Semes, nampa mange ri Gelilot ri ba'leanna Pangngambikang Adumim. Le'baki anjo, naungi anjo garisi' pa'baeng-baenga ri Batu Bohan (Bohan iamintu ana'na Ruben),

YOSUA 4:19

Tanggala' sampulo bulang makase're nabattu umma' Israel ri ba'leanna Binanga Yordan. Nampa akkema ke'nanga ri Gilgal, irayanganna Yerikho.

YOSUA 7:24

Nampa nijakkala'mo anjo Akhan ri Yosua siagang ri sikontu tu Israel, siagang nierangi mange ri Ka'bung Kasusaang nipasierang siagang sikontu ana'na, olo'-olo' sapi, keledai, gimbala', kema, siagang sikontu apa-apa napatanga, kammayatompa anjo peraka, jubaya siagang bulaeng nalukkaka.

YOSUA 7:26

Le'baki anjo natambungimi ke'nanga anjo tampaka siagang batu sannaka jaina, ia niaka ija anjoreng sa'genna anne alloa. Iaminjo saba'na naniarengija anjo tampa' Ka'bung Kasusaang. Nampa naummo larroNa Batara.