YOSUA 13:9 - KITTA' MATANGKASA'

⁹ Daerana ke'nanga iamintu antamaya Aroër (ri birinna Ka'bung Binanga Arnon), siagang kota niaka ri tangnga-tangngana anjo ka'bunga. Kammayatompa sikontu daera lappara' tinggia battu ri Medeba sa'genna mange ri Dibon

YOSUA 13:9 Iomraidhean Croise

2 SAMUEL 24:5

Le'baki a'limbang ri Binanga Yordan, akkemami Yoab siagang ana' buana ri timboranna Aroër, iamintu se'rea kota niaka ri tangnga-tangngana ka'bung daera Gad. Battu anjorengi ke'nanga nampa a'lampa wara', mange ri Yaezer,

NEHEMIA 11:25

Jai ra'yaka ammantang ri kota-kota assiampika siagang kokonna ke'nanga. Siapa are tu battu ri suku Yehuda ammantang ri daera alla'na Bersyeba bageang timborang siagang Ka'bung Hinom bageang wara'. Ammantangi ke'nanga ri kota-kota siagang desa-desa ri tammulilina iamintu: Kiryat-Arba, Dibon, Yekabzeel, Yesua, Molada, Bet-Pelet, Hazar-Sual, Bersyeba, Ziklag, Mekhona En-Rimon, Zora, Yarmut, Zanoah, Adulam, Azeka, Lakhis.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YEREMIA 48:18

He pandudu'na Dibon, naung mako battu ri tampa' kalompoannu; ammempo mako ri buttaya, irate ri limbu'buka. Lanri eroka ampanraki Moab, anne pa'rasangannu nia'mi battu, siagang lanaancuruki sikontu pattahangannu.

YEREMIA 48:22

Dibon, Nebo, Bet-Diblataim,

YEREMIA 48:8

Kabusu'na kotaya laancuruki, tena manna se're lata'lappasa'. Ka'bung siagang lapparaka, lapanra' kabusuki. INakke, Batara, anne akkana.

PAMMILANGNGANG 21:30

Mingka kamma-kamma anne panra'mi jari-jarina ke'nanga, ri sikontu oloang battua ri Hesybon mange ri Dibon, battu ri Nasyim mange ri Nofah ri ampi'na Medeba.”

PAOLE 2:36

Lanri pannulunNa Karaeng Allata'alata, akkullei nialle ngaseng sikontu kotaya, appakkaramula battu ri Aroër, ri cappa' Ka'bung Arnon, siagang kota niaka ri tangngana anjo ka'bunga, sa'genna mange ri daera Gilead. Tena kota majarre' dudu tembo' pattahanganna nidallekang.

PAOLE 3:12

“Ri wattunna nikammaimo anjo buttaya, kupassareammi ri Ruben siagang mae ri Gad daera warakkanna kota Aroër ri ampi'na Binanga Arnon, siagang sipa'gang battu ri daera monconna Gilead kammayatompa kota-kotana.

PAOLE 3:16

Nampa mae ri suku-suku Ruben siagang Gad kupassareangi daera niaka ri alla'na Gilead siagang Binanga Arnon. Tangnga-tangngana anjo binangaya a'jari pa'baeng-baenna ke'nanga ri bageang timboro', nampa ri bageang wara' a'baeng-baengi ke'nanga siagang Binanga Yabok.

YOSUA 12:2

Se'reanga niarengi Sihon, karaeng Amori ammantanga ri Hesybon. Daera kakoasanna iamintu bageruanna daera Gilead: iamintu daera Aroër (ri birinna Ka'bung Arnon) siagang kota niaka ri tangnga-tangngana anjo ka'bunga sa'genna Binanga Yabok ri pa'baeng-baenna daera bansa Amon;

YOSUA 13:10

siagang sa'genna mange ri pa'baeng-baenna daera Amon, siagang sikontu daera le'baka nakoasai Sihon, karaeng Amori, niaka ri Hesybon.

YOSUA 13:16

Daerana ke'nanga iamintu Aroër (ri birinna Ka'bung Binanga Arnon) siagang kota niaka ri tangnga-tangngana anjo ka'bunga sa'genna mange ri anjo daera lappara' tinggia, ri tammulilina Medeba;

YOSUA 13:8

Suku Ruben siagang suku Gad kammayatompa bageruanna suku Manasye, le'ba'mi annarima bageang butta battu ri Musa, anjo atanNa Batara; iamintu butta niaka irayanganna Binanga Yordan.